Loluwari Média (Díli) – Amu Paróquia Santo António Motael, Padre.Guilhermino da Silva Hatete, Vitoria no independensia laos premiu ka “Tiba-tiba husi lalehan tun mai maibé vitoria ne’e mais husi sakrifisiu, matawen no sofrementu.
“Vitória no Independénsia laos premiu ka “Tiba-tiba” husi lalehan tun mai maibé vitória ne’e mai husi sakrifísiu, matawen sofrimentu oi-oin tanba ne’e ohin Refererendum 1999 ne’e laos apenas memoriza de’it maibé husu ba Povu ida-idak nia an sa mak ida-idak halo hodi hetan nia independénsia atu hatutan na jerasaun foun sira.” Dehan Amu Paróquia Santo António Motael, Padre.Guilhermino da Silva iha nia homilia ba sarani sira iha Paróquia Santo António Motael Díli, Domingu (30/08).
“ita agradese ba nai maromak ba nasaun doben ne’e nia moris no nia viagen hanesan sarani katolika hasa’e imi nia moris karan ida ba nai maromak ho honestu no domin mak ohin loron ita liberdade hodi manan ita nia independénsia tanba ne’e Maromak haraik bensaun ba Rai Doben Timor-Leste.”
“Ohin ita liu fali momentu importante iha ita nia Viagen liu-liu povu Timor-Leste nia determinasaun ba independénsia. tanba ita nia povu nia atenbrani no sakrifísiu ida ne’ebé ho fuan ita nia povu tauk maibé atenbrani, brani maibé tauk tanba nia konsekuénsia mós bo’ot tebes.”
Amu Paróquia Esplika 30 de Agostu nu’udar loron Reflesaun ba pasadu Timor-Leste nia determinasaun ba Independénsia ne’ebé Povu Timor hela ho Ahuk desan tanba Povu Timor nia atenbrani, terus no sakrifísiu mak hetan nia independensia laos tau iha bandeiza mak fo.
“Ukun rasik an nia folin karun tebes tanba ne’e Maromak nia liafuan sai relevante tebes ba ita, luta ida ne’ebé Maromak bolu ne’e sente todan ate lakohi kontinua maibé halo orasaun no temi Maromak hanesan “Iha ha’u nia laran ahi ida hamanas hela ha’u neon” katak konversaun atu halo buat ne’ebé los no diak la sempre fasil.”
Iha tempu difisil povu ne’e kolen no terus maibé povu sempre reza ba malu ate sente la mesak hanesan Ahi ne’ebé hamanas dudu nafatin povu Timor-Leste atu fiel ba Maromak hodi determina nia independénsia.
“Iha Evanjeliu dehan nune’e “Jesus sei simu nia terus no mate liu loron tolu nia moris hias,” povu Timor mós simu nia terus no sakrifísiu simu kroat. Tanba dalan salvasaun ne’e kroat tenke simu nia krus no sakrifísiu ne’ebé povu halo ho brani la’o ho nia konfortabilidade no brani sakrifísiu tan domin no fiel ba malu iha dalan ne’ebé los sai difisil mak povu hetan nia vitória ho independénsia.”
“Ida ne’ebé lakon nia sentidu sei hetan justisa ida ne’ebé hetan violénsia tanba ita la simplesmente simu independénsia maibé ita priense ho responsabilidade, honestidade, fraternidade, sakrifísiu no preokupasaun ne’ebé vulnerável liu iha Ekonómia, Edukasaun, Saúde no Kultura.”
“Hadia ita nia an ho neon foun ida ne’e mak ita nia vokasaun hodi hanoin ita nia ukun rasik an hafoin loron Reflesaun ida ne’e no keta sai mentalidade Egoismu hakarak mesak iha osan barak. tanba ita nia povu la interese nia an rasik tanba husi kulturá sai ita nia moris. “ha’u husu ba lider sira, ha’u nu’dar nai lulik husu ba lider sira atu sai ema ne’ebé diak ba bem komum labele hariku an no fo terus bebeik ba ita nia povu.”
Jornalista : Cesar Pires
Editór : Herminio Cardoso