Loluwari Media (Díli) – Ministru Defeza (MD), Kontra Almirante, Donaciano Costa Gomes “Pedro Klamar Fuik”, informa Xineza planu sei konstrui Hospital Militár modernu andar 8 iha kuartel General Fatuhada Dili
“Hospital Militár ne’ebé mak ita hetan doasaun husi Xineza no horseik ha’u simu informasaun husi sira, karik iha dalan ne’ebé mak diak ona se tarde sira sei aviza mai ita hotu hatene no lansa primeira pedra depois mak sira halo konstrusaun.” Dehan Ministru Defeza (MD), Kontra Almirante, Donaciano Costa Gomes “Pedro Klamar Fuik”, ba jornalista sira, iha kuartel General Fatuhada, Dili, kinta (09/01).
Ezekutivu ne’e hatete, Xina sei konstrui Hospital Militár iha Areadores kuartel General F-FDTL Fatuhada no sei okupa rai hektares ida hodi konstrui Hospital Militár.
“Hospital Militár ida ne’e modernu ho andar ualu (8) ho kama atus ida (100) sala emerjensia propriu no sala internamentu propriu ba VIP no ba pasiente normais sira.”
Hospital Militár tuir planu sei halo atendementu ba kualker moras no espesifiku ne’ebé identifika ona mak moras onkologia, Neurologia no propriu kurasaun no moras sira seluk ne’ebé mak identifika moras iha Timor-Leste.
Mediku no espesialista sira sei iha faze final ba preparasaun haree Komisaun instaladora sei prepara projetu atu harii Hospital Militár.”
Jornalista : Chay Risky