Loluwari Média (Díli) – Negosiante minarai, Estanislau Soares, informa, mais ou menus tuku 11 liu minutu 30 liu bainhira negosiante ba halo kafe iha uma, fila mai nia minarai masa rua lakon nune’e nia husu ba nia maluk Negosiante iha estrada sorin dehan kareta mutin ida mai para hodi foti minarai masa 2 tau ba kareta halai liu.
“Ha’u ba halo kafe iha uma hau fila mai ha’u nia minarai masa 2 lakon no masa 6 ho agua sira kompletu nune’e ha’u husu ba tia na’in rua ne’ebé faan sasan iha estrada sorin dehan kareta mutin ida ohin mai para hodi foti maun nia minarai masa rua lalais de’it hodi halai nu’udar Negosiante ha’u sente triste tanba ne’e mak ha’u husu ba Xineza loja na’in hodi loke CCTV maibé nia lakohi ha’u husu nafatin ha’u dehan ajuda ha’u tanba ha’u nia sasan lakon nune’e sineza loke CCTV afinal Jestaun merkadu mak na’ok tanba mai ho ansi foti masa rua halai liu se bainhira estadu mak haruka mai karik nusa mak la foti hotu maibé ida ne’e ha’u konsidera naok tanba hau nain laha.” Dehan Negosiante Minarai Estanislau ba jornalista sira iha Aimutin Dili, kuarta (08/01).
Nia dehan se wainhira mai husu karik nia mos hakarak fo deit maibe kuandu nain laiha depois foti ema nia sasan nonok nia konsidera nee naokten.
“Hau sente triste tanba hau nudar Negosiante Minarai hau faan kleur iha nee no durante aviza dehan ami labele utiliza Trotoar neebe hau mos kumpri hodi ami ses husi trotoar hodi faan hau nia minarai tanba sa la mai kulia didiak maibe mai hanesan naokten siknifika uza farda no fulan-fulan simu osan Estadu maibe kontinua naok povu kiik nia sasan.”
Iha sorin seluk Xefe Departamentu Gestaun Merkadu Autoridade Munisípiu Díli, Joaquim Martins Belo dehan, ohin Polísia Eskuadra Dom Alexo bolu nia membru neebe foti Negosiante nia minarai iha area Aimutin aldeia Aimetin laran sucu Aimutin hodi mai halo presta deklarasaun.
“Ohin ami mai sasain katak hau nia membru foti duni Negosiante nia minarai masa 2 tu’ir ha’u nia orientasaun tanba ha’u dader no meudia sempre breefing sira bainhira tun ba karik foti Negosiante ne’ebé faan sasan iha trotoar leten karik labele foti hotu maibé foti balu de’it atu nune’e sira mos bele uza balun maibe derepente Video ne’ebé vural iha Media sosial entaun PNTL Eskuadra Dom Alexo bolu ami mai halo presta deklarasaun wainhira prosesu investigasaun mak determina se mak los no se mak sala se wainhira hau nia membru sala duni ha’u prontu hatan iha tribunal.”
“Ami servisu bazeia ba lei bo orden ne’ebé tula iha ami nia kabas, ami sempre ezekuta tu’ir dekretu lei 32/2008 ami servisu la fora husi lei ne’ebé sasan ne’ebé ami prende ou foti ami sei la fo fila no ami fo fali ba uma mahon sira maibé ami prontu simu bainhira ami nia atuasaun mak sala ami prontu ba hatan iha kualker fatin.”
Komandante Operasaun Munisípiu Díli (KOMD), Inspetor Xefe polisia, Luís Amaral, hatete, PNTL nu’udar Autoridade seguransa ne’ebé hare preokupasaun video ne’ebé virál iha media sosial kona-ba atuasaun Gestaun Merkadu ne’ebé foti sira nia sasan iha area Aimutin nune’e Komandu Jerál PNTL no Komandante Munisípiu Díli, orienta komandante Operasaun no Eskuadra Dom Aleixo, atu bolu membru Gestaun Merkadu ne’ebé foti Negosiante nia minarai hodi mai halo presta deklarasaun iha Eskuadra Dom Aleixo, tanba Negosiante Minarai iha Areadores Eskuadra Dom Aleixo.
“Ohin ami bolu Gestaun Merkadu mai halo presta deklarasaun ami nu’udar Autoridade seguransa ami labele kondena ami nia povu maibé ami bazeia ba video ne’ebé viral iha media sosial nune’e sira mai presta deklarasaun no hein prosesu investigasaun mak determina se mak los no se mak sala.”
PNTL mos sei bolu negosiante Minarai mai presta deklarasaun iha eskuadra Dom Aleixo hodi halo intervensaun nune’e se los mak sala no se mak los prosesu sei lori ba Tribunal.
Jornalista : Chay Risky