Loluwari Média (Díli) – Xefe Estadu Maiór Jenerál Falintil-Forsa Defeza Timor-Leste (F-FDTL), Tenente Jenerál, Domingos Raul “Falur Rate Laek” Hatete, Kooperasaun Forsa Defeza Timor-Leste (F-FDTL) ho Forsa Armada Australia sai parseiru Dezenvolvimentu ba F-FDTL ohin no ba futuru.
“Ita nia nasaun Timor-Leste pais Viziñu ho Australia sai mós seguransa rejionál international ita sempre integra ba sira. Tanba ne’e kada tinan ita sempre realiza Exersisiu konjuta hodi hametin ita nia amizade ne’e ho diak ba futuru.” Dehan Xefe Estadu Maiór Jenerál Falintil-Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” ba jornalista sira iha Kuartél General F-FDTL Fatuhada Díli, Tersa (21/09).
Xefe Estadu Dehan Australia Investe osan bo’ot liu hahu husi 2000 to’o agora ba F-FDTL no fo formasaun Rekursu Humanu apoiu Logistika apoiu mós ba infra-estrutura F-FDTL no fo kapasitasaun ba Militár sira.
Tinan 27 povu Timor-Leste ultrapasa dezafiu no sakrifísiu durante okupasaun iha 30 Agustu 1999 konfirma referendum ba komunidade Internasionál durante luta Internasionál ba Timor-Leste nia independensia.
“Periodu violénsia interna ne’ebé afeta iha Timor-Leste iha intervensaun husi komunidade internasionál liu-husi Forsa Interfet nia kontribuisaun hodi restaurasaun ba paz no seguransa ba ami nia situasaun iha Timor-Leste ne’ebé ami restaura ami nia independénsia iha loron 20 de maiu 2002.”
Interfet lori paz mai povu TL ho estratejiku ne’ebé diak, tanba momentu pasadu ida ne’e mak ohin loron Australia no Timor-Leste sai parseiru no amizade husi Povu Rai rua no Forsa Armada rai rua nian tanba ne’e ohin realiza taxa Xanana Grover Shield ida ne’e sai momentu importante ba Forsa Armada nasaun rua ne’e.
“Ohin ha’u loke abertura ba Taxa Xanana Grover Shields ha’u fo desezu ba Militár Australia Feto no mane nomós Militár Timor-Leste Feto no Mane sai eventu importante ba ita nia amizade sai rekuñesimentu no kamaradajen no amize paz no estabilidade.”
Komandante 1° Brigada, Brigadeiru Jerál Rob Haertsch, Dehan, Timor-Leste komemora loron Interfet ne’ebé lidera husi Australia iha 1999 ne’e fo oportunidade no reflete kona-ba momentu signifikativu iha historia Timor-Leste nian no parseria dura entre Timor-Leste ho Australia.
“Iha ha’u nia mandatu ha’u koloka Interfet mai Timor-Leste ho misaun atu Dame no Seguransa, depois de violénsia ne’ebé konvoka popular tanba ne’e Australia hamutuk ho nasaun parseiru hamutuk 22 servisu hamutuk ho Povu TL kona-ba estabilidade no Jornada ba independénsia Nasionál.”
Nasaun 20 resin mak servisu hamutuk ho Interfet iha misaun ne’eba sai hanesan kapítulu importante iha nasaun 2 ne’e nia historia tanba Interfet fo apoiu mai povu TL iha momentu krusial ida ho nia historia.
“Bainhira ita hanoin hikas akontesimentu sira ne’e ita nia foku ohin ne’e ami firme nafatin ba relasaun entre TL ho Australia ne’ebé ita kontinua harii hamutuk, Taxa Xanana Grover Shield mak sai poderoju ba relasaun tradisional anual ba Forsa Defeza Timor-Leste no Forsa Armada Australia nia espiritu amizade no kooperasaun.”
“Ha’u kontente ba programa jogu amizade F-FDTL Mane no Feto hasoru Forsa Armada Australia nian Feto no mane ne’e sai marka historia importante hodi reflete ba kreximentu Desportu no koperasaun Defeza nian hodi aumenta ita nia evolusaun parseria diak liu tan.”
Taxa Xanana Grover Shield ne’e reprezenta Futeból maibé ida ne’e reflete klean entre ema ba ema no relasaun Profissional entre Forsa Armada rai rua nian sai mutua no amizade, konfiansa ba seguransa rejionál nian.
Jornalista : Cesar Pires
Editór : Herminio Cardoso