Loluwari Média (Dili) – Plan internasional hamutuk ho nia Stakeholder sira no grupu interesadu sira kuarta feira ne’e selebra projetu ba futuru ida ne’ebé seguru no inklusivu ne’ebé mak durante tinan rua sira realiza no susesu iha munisipiu 3 mak Baucau, Dili no Ermera.
Diretora PLAN Internasional, Fatima Soares, hatete, susesu husi tinan rua intervensaun ne’ebé mak halo ona iha munisípiu tolu mak Baucau, Dili no Ermera no munisípiu sira seluk durante tinan rua ho balu hetan fundus husi Uniaun Europeia (UE).
“Ohin iha ne’e hamutuk ho stakeholder sira ne’ebé mak relevante grupu interesadu sira ne’ebé mak iha ne’e ba projetu ida ne’ebé mak ho naran ba futuru ida ne’ebé mak seguru no mos inklusivu. Entaun ohin ita hamutuk iha ne’é selebra susesu durante tinan 2 intervensaun ne’ebé mak ita halo ona iha munisipiu sira liliu munispiu Baucau, Dili no Ermera inklui munispiu sira seluk ne’ebé durante tinan rua ho balu hetan fundus husi Uniaun Europeia.” Dehan, Direitóra PLAN Internasional, Fatima Soares, ba jornalista sira, iha salaun Delta Nova, Dili, kuarta (30/07).
Fatima hatete, programa projetu ba futuru ida ne’ebé seguru no inklusivu ne’ebé mak durante tinan 2 sira hala’o suseu iha munisipiu 3 ne’e, foka liu ba area tolu diferente.
“Husi projetu ne’e ami fokus ba programa tolu ne’ebé mak diferente, entaun ita haree ona rezultadu primeiru mak ita hakarak hasa’e konsensia iha uma kain familia sira nian kona-ba importansia husi direitu maluk ema ho difisensia no mos LGBTIQ sira asesu ba sira nia direitu no mos haforsa ekonomia no fo opurtunidade ba grupu sira atu sira mai ho inisiativa no estratejiku balu halo negosiu.”
Representante Uniaun Europeia, Lotam Lerer, haktuir, prosesu atu hetan fundus husi Uniaun Europeia liuhusi prosesu selesaun Outcome no out put sira ne’ebé mak liga ba programa ida ne’e.
“Prosesu atu hetan fundus ida ne’e liuhusi prosesu no selesaun mak sira liuhusi USAID depois prosesu sira ne’e durante implementasaun no ate agora liuhusi outcome no output sira ne’ebé mak liga ba projetu ida ne’e ita iha out come tolu ne’ebé mak lidera direita ba projetu ida ne’e, ne’ebé durante hahu husi fundus implementa ate ohin loron hahu projetu ne’e implementa ba outcome sira.”
Programa projetu ba fututru ida ne’ebé seguru no inklusivu ne’ebé mak durante tinan rua ho balu hala’o iha munispiu 3 no munisípiu sira seluk. Hetan apoiu fundus husi Uniaun europeia ne’ebé mak servisu hamutuk ho PLAN Internasional Arquiris Timor-Leste no AHMDTL ho mos implemetasaun husi Asosisaun HAK no Naroman ba futuru no CVHMTL.
Jornalista : Nandes