Loluwari Média (Díli) – Prezidente Komisaun Rekrutamemtu Polísia Nasionál Timor-Leste (PNTL), Superintendente Polísia António da Lúz Hatete, Sekretáriuadu Komisaun Rekrutamemtu simu ona lista Kandidatura hamutuk 13,770 ne’ebé kompostu husi mane 10,255 no feto 3.515 hodi tuir teste ezame iha seman oin.
Husi totál Kandidatura ne’ebé supmete dokumentus ba sekretáriadu Komisaun verifikasaun,Kandidatu admitidu hamutuk 12,851 kompostu husi mane 9,529 no feto 3,322 ida nee mak admitidu ou liu seleksaun dokumemtus.
No ba kandidatu sira ne’ebé la admitidu mane 727 no feto 193 hamutuk 919 ne’e ba Kandidatu sira ne’ebé la admitidu nia dokumentus la liu.
“Ami husu ba Kandidatu sira ne’ebé admitidu ona sei tuir ezame iha loron 12 fulan Outombro tinan nee. Iha tuku 7:00 atu ba tuku 8:00 Kandidatu sira iha ona fatin ezame nian”Dehan Prezidente Komisaun Rekrutamemtu Polísia Nasionál Timor-Leste (PNTL), Superintendente Polísia António da Lúz ba jornalista sira iha Sentru Formasaun Polísia (CFP) Comoro dili, kinta (02/10).
Tuir Nia,oras tuku 8 ate tuku 8:45 kandidatu sira sei simu istruisaun husi pontu fokál iha Munisípiu ida-idak kona-ba prevensaun ezame nian.
António Esplika,tuku 8:45 ate tuku 9:45 Kandidatu sira tama ona iha Aula ida-idak nian tuku 9:45 to’o tuku 9:55 sei distribuisaun matéria ba Kandidatura sira, tuku 10 ate tuku 12:30 ezame halao ona.
Kona-ba fatin,Nia dehan, eskola sira ne’ebé Komisaun Rekrutamemtu rekolla ona Iha munisípiu Aileu sei utiliza Eskola Tekniku Voksional (ETV) Aileu Villa ho ESKAM Aileu.
Munisípiu Ainaro sei utiliza Eskola Central Venansio Ferras Ainaro, iha Atauro sei utiliza Eskola Sekundáriu Geral 99 Atauro, iha munisípiu Baucau sei utiliza Ensinu Secundaria Geral numeru 02 Vila-Nova Baucau.
Munisípiu Bobonaro sei utiliza Ensinu Secundaria Geral Dom Martino da Costa Lopez Maliana,Munisípiu Covalima sei utiliza Ensinu Secundaria Geral Serankotek Suai.
iha Munisípiu Dili sei utiliza Sentru Formasaun Polísia (CFP) no Eskola 30 Comoro, Munisípiu Díli no Eskola Tekniku Bekora, iha Munisípiu Ermera sei utiliza Eskola Sekundáriu Geral Nino Konis Santana no Eskola 10 de April Ermera.
iha Munisípiu Lautém sei utiliza Eskola Sekundáriu Geral Nino Konis Santana Lospalos, iha Munisípiu Liquiça sei utiliza Eskola Bazika numeru 01 Liquiça.
Iha Munisípiu Manatuto sei utiliza Ensinu Secundaria Geral Kay Rala ho Eskola Publiku Beadi, Munisípiu Manufahi sei utiliza Eskola Sekundáriu Geral 1912 Manufahi, iha Munisípiu Rejiaun Administrativa Espesial Oe-Kusse Ambeno (RAEOA) sei utiliza EBC/EBF 01 de Maio Palaban.
No iha Munisípiu Viqueque sei utiliza Eskola Sekundáriu Geral 04 de Viqueque no Ensinu Baziku numeru 01 Beloi
Ba kandidatu sira ne’ebé rejista iha komandu Munisípiu dili sei halao ezame iha STM Becora no STV 28 November, ba kandidatu sira ne’ebé rejista iha CFP sei utiliza EBC 30 de Agusto Comoro no 05 de Maio Comoro.
Dokumentus ne’ebé kandidatu sira presiza atu utiliza tuir ezama mak Kartaun Eleitorál Orijinál, Bileti Identidade (BI) orijinál bainhira orijinál seidauk iha bele uza mos nia foto kopia Uza mós Lapis B2, Apagador, Regua Sirklus, Hafiador no lori Lapijera ho kor Ajul.
“Ami husu ba Kandidatu sira komesa aban ida-idak bele ba ida-idak nia munisípiu atu bele haree lista ho naran ne’ebé admitidu ona”dehan nia.
Nia dehan prepara tuir ezame iha loron 12 fulan Outombru atu tuir ezame prova kulturál ho materia 6 mak Tetun, Portugués, Georgrafia, Historia, Matemátika no Konstituisaun RDTL.
Jornalista : Chay Risky