Loluwari Média (Díli)-Polísia Nasionál Timor-Leste (PNTL) Munisípiu Covalima Prende Sigaru Malboro hamutuk Karton 389 iha Salele ne’ebé deskonfia ema xineza mak transporta mai Timor-Leste.
Diretór Servisu Investigasaun Kriminál (DSIK), Superintendente Polísia João Belo dos Reis hatete, Bazeia ba informasaun ne’ebé Komandu Munisípiu Covalima detekta katak sidadaun estranjeiru Sineza importa sasan ilegal ho Ró boot hodi transfere ba bero kiik mai iha tasi ibun.
“Operasaun ne’ebé ita nia Komandu Munisípiu Covalima horseik lansa iha área Salele Kasabauk ne’e maizomenus Oras haleu tuku 2 madrugada ita nia Komandu Munisípiu Covalima hetan movimentu ne’e deskonfia iha transaksaun ilegal.” Dehan Diretór Servisu Investigasaun Kriminál (DSIK), Superintendente Polísia, João Belo dos Reis, ba jornalista sira iha Komandu Jerál PNTL Kaikoli, Tersa (07/10)
Husi ne’e,Nia dehan,PNTL detekta Sigaru Marlboro Karton hamutuk 389 ne’ebé hamutuk bero 4 mak transfere mai no karreta ida mak PNTL Prende.
“suspeitu sira halai hotu ita tenta atu bolu sira ne’ebé mak nu’udar motor na’in no kareta nain ne’ebé para hela iha ne’eba husu sira atu responsabilidade.”dehan nia.
Tanba ne’e Prosesu identifikasaun agora dadaun lao hela hodi hein supmete ba Ministériu Públiku ho numeru nuc.0319/25 PNSIC ne’ebé PNTL rejista iha Sucu Casabauk, Postu Administrativu Tilomar Munisípiu Covalima.
Alende ne’e PNTL mós indentifika Prende motor 8 no kareta ida ho bero 4 ne’ebé fasilita sasan ne’e mós PNTL Prende hotu ona. “ohin ita halo indentifikasaun nain ba bero no motor ho kareta sira ne’e”dehan nia.
Tanba ne’e mak Komandu alerta ba Unidade Patroillamentu Fronteira (UPF) no Unidade Polísia Maritima (UPM) tanba agora dadaun Sigaru ilisitu ne’ebé tama iha TL hamosu prezuizu boot ba Estadu.
Sigaru Malboro ho Karton 389 ne’ebé PNTL Prende iha Casabauk ne’e Estadu lakon ona 750 Dolores tuir taxa ne’ebé lolos tenke selu iha portu tibar bele hetan rihun ida resin no iha manatutu mos rihun lima resin.
“tuir lolos sira selu tasa karik tasa boot ba Timor-Leste tamba ne’e PNTL konsidera krime kontra bandu no akuza nafatin lakoi selu tasa no hatama Sasan ilegál”dehan nia.
Alende ne’e,PNTL liu-husi ekipa konsulta DSIK no Eskuadra Dom Aleixo hetan informasaun katak kondutor BUS balun transporta Senapan Angin (Kilat Anin) marka Pesepe ne’ebé transporta husi atambua mai teritóriu TL.
“Ita halo intervensaun ba Bus refere no ita prende sasan ne’e no agora dadaun kondutor nain 2 mak iha prosesu Investigasaun nia laran”dehan nia
Tuir Nia,BUS Bagon husi diresaun Kupang mai Timor-Leste no PNTL Prende iha Area Comoro tanba iha informasaun katak sidadaun Estranjeiru nain 2 tenta atu lori kilat anin tama mai TL.
Nune’e PNTL halo pasarevista hodi hetan katak sira lori dunik sasan kontra bandu tanba lei bandu la rejista no la selu tasa ba estadu.
Jornalista : Chay Risky