Loluwari Média (RAEOA) – Primeiru-Ministru (PM), Kay Rala Xanana Gusmão,abertura atividade kompetisaun iha Rejiaun Administrativa Espesiál Oé-Cusse Ambeno iha ámbitu loron 28 de Novembro ba dala-50.
Kuda hamutuk 90 ne’ebé mai husi Munisípiu Covalima, provinsia Nusa Tennggra Timur (NTT), inklui mós iha Rejiaun Administrativa Espesiál Oé-Cusse Ambeno (RAEOA).
Iha abertura ne’e, Xefe Governu apresia, tanba ho kompetisaun kuda bele anima komunidade sira, no rekomenda mós komisaun organizadora atu kria polítika ba futuru bele mós prodús ai-han ba kuda sira.
“Parabens ba imi hotu Ohin ha’u bele haree imi nia kuda sira atu halai, mais prontu, imi iha ona vizaun ho esforsu bo’ot, apresia tebes imi nia esforsu, imi nia hanoin, halo nafatin ba, husu de’it katak imi ne’ebé organiza bele halo kompetisaun maibé prepara mós hahán ba kuda sira.” Dehan Primeiru Ministru (PM), Kay Rala Xanana Gusmão ba jornalista sira hafoin abertura Curida Cavalo iha suku Cunha, Sabadu (29/11).
Prezidente Autoridade Reijaun Administrativu Espesial Oe-Cusse Ambeno (RAEOA), Régio da Cruz Salu, konsidera pista corrida ne’ebé estabelese ona, nu’udar investimentu turizmu desportivu ida iha Oekusi.
“Estabelesimentu pista korrida ne’e ba futuru bele sai investimentu turizmu desportivu, horsehik ita selebra ona akordu ho parsériu ida husi Indonézia, sei apoia ho sira-nia péritu atu halo formula kona-ba ai-han ba kuda”
Nune’e bele fasílita kuda na’in-sira, sei fó mós oportunidade ba agrikultór Kuña Lalisuk ne’ebé besik arena ne’e bele investe mós iha ai-han ba kuda.
Tanba ema hotu bele sai investór mós atu partisipa iha investimentu ho prezensa arena kuda ne’e, ba TL nia investimentu turizmu desportiva ba modalidade kuda.
Prezidente Assosiasaun Korrida Cavalo Oekusi Ambeno (AKKOA), Mario Muni Salu, informa, objetivu husi kompetisaun ne’e define pontu importante tolu.
Pontu primeiru atu hametin lasu amizade no fraternidade, kria unidade entre komunidade fronteira, tanba kompetisaun ne’e involve mós kuda husi Nusa Tenggara Timur (NTT) no kuda husi Munisípiu Covalima inklui RAEOA.
Atu komemora loron proklamasaun independénsia unilaterálmente 28 Novembru 2025 ba dala-50, asosiasaun kuda eziste iha Oé-Cusse hamutuk ho kuda na’in-sira, atu hamosu kompetisaun kuda nu’udar desportu kulturál.
Tanba dezde tempu bei-ala sira to’o jerasaun tuir mai tenke promove kuda sira, ho inisiátiva motiva tan kuda na’in-sira badinas haki’ak kuda, tanba uluk avó sira konsidera kuda hanesan meiu transporte prinsipál.
“Iha kompetisaun ne’e, iha kuda 90 mak halo kompetisaun, komesa ohin ita halo lansamentu ba to’o loron 04 Dezembru 2025 mak finál”dehan nia.
Husi kuda 90 ne’e, kuda 60 husi Oé-Cusse no kuda 10 husi NTT no 20 husi Covalima, tanba intensaun husi kompetisaun atu selebra loron proklamasaun independénsia 28 Novmebru nian.
Durante eventu kompetisaun ne’e la’o, hetan apoia seguransa másimu husi Komandu PNTL Oé-Cusse, Komandante Unidade Patroillamentu Fronteira (UPF), Forsa Defeza Timor-Leste (F-FDTL) husi Komponente Navál no Terestre inklui hetan apoia mós husi Servisu Nasionál Ambulánsia Emerjénsia Medikamentu, Institutu Públiku (SNAEM,I.P).
Jornalista : Cesar Pires
Editór:Herminio Cardoso