Loluwari Média (RAEOA) – Primeiru Ministru (PM), Kay Rala Xanana Gusmão vizita hikas ba komunidade sira iha Naktuka atu bele rezolve problema Fronteira entre Indonézia ho Timor-Leste tuir kultura nu’udar maun-alin iha loron 10 fulan Dezembru Tinan ne’e.
Primeiru Ministru (PM), Kay Rala Xanana Gusmão, Agradese ba Autoridade Lokál iha Naktuka ne’ebé iha preparasaun atu halo dialogu komunitaria entre komunidade Rai rua.
“Ha’u sente katak ita bele rejolve lalais problema iha Fronteira ne’e, kona-ba Governu ita la hakiduk ona halo tuir nafatin de’it akordu entre Holanda ho Portugal,ne’e dunik ha’u husu imi tenke hasoru malu no ko’alia ba malu ona”
“husu boot dunik ba Rai lulik no Matebian sira hotu atu ajuda iha loron 10 ne’e sira mós mai iha ne’e simu ho di’ak nu’udar maun-alin ko’alia ba malu labele hakilar ba malu maibé ko’alia ba malu no hakuak malu hodi ita rejolve lalais tiha Fronteira ne’e.”de iha Naktuka Nitibe, Domingo (30/11).
Xefe governu hatete,tuir nia haree, karik mak komunidade Naktuka ho parte sorin bolu malu nu’udar maun-alin hodi halo diálogu komunitaria mak sei bele rezolve fronteira.
“ho maluk sira iha sorin ne’ebé imi bolu malu maun alin bele duni halo dialogu komunitaria ida ne’e di’ak teb-tebes tanba ema husi liur ba provoka sira atu mai lae sira tuir o nia uma lisan no Kultura ne’ebé sira lakoi tan ona problema”dehan nia.
Iha Enkontru Asean PM Xanana ne’ebé dehan fila-fali ba Prezidente Repúblika Indonézia Brabowo Subianto kona-ba rai nia la temi buat ida hakfodak mai nia haruka fulan agustu ekipa ida ba dili hahu diskute Fronteira tasi.
“Tanba ne’e mak kuadu mosu problema iha ne’e ha’u sempre husu dialogu komunitaria ne’e lao ka lae maibé ha’u kontente tebes iha loron 10 imi sei halo dialogu komunitaria ho komunidade sira iha mota sorin”dehan PM.
Tanba iha loron 07 PM ba jakarta sei haruka karta ida ba Prezidente Brabowo hodi dehan katak iha loron 10 entre komunidade rai rua hahú halo dialogu komunitaria no husu ba TNI labele kahur ba buat sira ne’e hotu atu nune’e enkontru ne’e bele iha rejultadu ne’ebé di’ak.
Ne’e dunik PM seidauk fó parabéns ba komunidade no autoridade lokál iha Naktuka maibé husu ba komunidade atu diálogu oinsa Fronteira Naktuka ne’e bele sai realidade.
“Ha’u husu rai nain, lulik nain sira ho ita nia natureza la fó fatin ba sira ohin loron iha ona diálogu komunitaria entre komunidade rai rua ha’u agradese tebes”dehan nia.
Prezidente Autoridade Reijaun Administrativu Espesial Oé-Cusse Ambeno (RAEOA), Régio da Cruz Salu hatete,vizitasaun husi PM nian ba Naktuka atu rona direitamente preokupasaun komunidade nian kona-ba fronteira.
“Hanesan Ami mai vijita iha fatin ida ne’e ita hakarak Rona lia-fuan husi ita nia nain ulun primeiru ministru saida mak nia ko’alia liu-liu ba ita atoni Oé-Cusse oan sira, hodi tinan oin mai ita bele la’o ba oin ka avansa ba oin”
“atu nune’e ita bele hadia ita nia Rai ketan Oé-Cusse ne’e ho diak. Tanba Tinan ida ne’e Primeiro ministru mai atu lori lia hatutan no lori Lia atu resolve ita nia situsaun durante ne’e ita hasoru iha ita nia Rai”
Iha fatin hanesan Admistrador Postu Nitibe Agustinho Afulit hatete, tuir planu tinan kotuk atu halo dialogu komunitaria entre komunidade Timor-Leste ho Indonézia espesiál ba komunidade Naktuka ho Komunidade iha mota sorin.
“Ami agradese tebes tanba ita nia komunidade iha sorin bele koopera no kolaborasaun di’ak Prezidente Autoridade no Autoridade Lokál sira ho informasaun pozitivu ona katak iha tempo badak ami sei realiza dialogu komunitaria ho komunidade Oepoli ho Beneufe tanba ne’e mak ha’u hasoru ona Prezidente Autoridade RAEOA iha loron 10 fulan Dezembru tinan ne’e.”
Administrador sei hasoru Prezidente Autoridade RAEOA atu tau iha ajenda hodi partisipa ba Dialogu komunitaria ne’e maske agora tempu udan maibé Autoridade lokál sira buka maneira iha loron 10 tenke realiza dialogu komunitaria entre komunidade rai rua ne’e.
“Diálogu komunitaria ne’e ami la mesak, maibé sei akompaña mós Prezidente Autoridade RAEOA ho nia estrutura tomak no mós nai xefe suku Lela-ufe atu nune’e dialogu Komunitaria ne’e nia rejultadu Prezidente Autoridade RAEOA mak sei informa ba Governu sentrál.”tenik nia.
Jornalista : Cesar Pires
Editor: Herminio Cardoso