Loluwari Média (Díli) – Sekratriu Estadu komunikasaun Sosial (SEKOMS), Expedito Loro Dias Ximenes, apresia servisu Média na’in sira ne’ebé hatudu prestasaun di’ak hodi fornese informasaun ba públiku durante Tinan 2025.
Apresiasaun ne’e SEKOMS halo hafoin konvoka reuniaun ba servisu avaliasaun ho Nain Média no Diretór Média Inklui Xefe Redasaun Média Nasionál iha Timor-Leste.
“Hau lori Nonu governu Konstituisionál nia naran fó agaradese ba nain ba média sira no Diretór no mós ba Xefe redasaun, Editór Inklui jornalista sira hotu nia servisu durante 2025 nian maske la perfetu maibé hala’o imi nia papel Média ho di’ak ate mai 2026” Dehan Espeditu Loro dia Ximenes ba Jornalista sira iha Sala Konsellu imprensa Kintal Boot Dili, Tersa (13/01).
Espeditu hatete, maske Iha preokupasaun barak mak Média sira hasoru no mós kritikas tanba dalabarak notísia balun ladun efetivu no laos investigasaun.
Tanba ne’e jornalista sira tenki hakerek loos no atualidade maibé ne’e normál tanba jornalista la’ós anju maibé jornalista mós dala ruma hakerek sala.
“tan ne’e atu hakerek notisia tenki Tetu halo di’diak molok publika”dehan Expedito.
Tanba Lei komunikasaun regula hela katak iha dalan, rua bainhira sala ka loos ida mak Média tenki halo retifikasaun hodi hadia no ida fali mak nia direitu atu resposta.
Nia afirma,dala-barak jornalista sira ladun hetan informasaun kompletu maibé fó sai uluk ona notísia ne’ebé mak seidauk klaru tanba la halo konfirma didiak fontes.
Nune’e,nonu governu fó apoiu osan rihun$200 atu halo formasaun ba jornalista sira hodi hametin lia-los no hakerek notísia investigativu.
SEKOMS enkontru ona ho konsellu imprensa,sira halo oinsa modelu formasaun ne’ebé sira atu halo no mós osan ne’ebé mak governu husu atu halo ho karater ne’ebé di’ak.
“Bainhira ita halo notísia ruma dadus sidaduk kompletu labele hakerek lai tan ne’e,bainhira ita halo informasaun iha rai laran no rai liur, atu nune’e governu halo formasaun ho korikulu Investigativu”dehan nia.
Tanba ne’e,SEKOMS sei kontinua serbisu hamutuk ho media Nasionál no media palataforma dijital, iha 2026 orsamentu ba kooperasaun no kuantidade osan ne’e sei la to’o hanesan 2025 nian.
Jornalista Estajiada : Imaculada Tefa
Editór : Herminio Cardoso