Loluwari Media (RAEOA)-Prezidente Autoridade Rejiaun administrativa Espesiál Oe-cusse (RAEOA) interiñu Celestinho Martinho Marques temporariamente subtitui Regio da Cruz hahú hala’o servisu ona.
Celetinho temporária atu bele funsiona hikas mákina servisu prezidente autoridade RAEOA nian tanba prezidente sesante sei iha kondisaun saúde ne’ebé seidauk estavel.
“Ha’u mai tanba prezidente autoridade nia kondisaun (saúde) para ita haree mákina tranjisaun estadu funsiona hanesan baibain,ne’ebé ohin enkontru ho diresaun rua hanesan diresaun Rejionál planamentu apromisamentu ho Diresaun Rejionál finansas” dehan nia ba jornalista sira iha kinta-feira (09/04)
Nia informa,husi enkontru ho dirijente sira ho objetivu atu aprezenta kona-ba planu asaun anuál ho orsamentu narativu 2026 nian.
“ita halo aprenzentasaun para ha’u bele prepara didiak kona-ba Orsamentu ne’ebé mak aprova ba tinan 2026 no hamutuk hira para karega ba atividades sira”dehan nia.
Nune’e bele difini di’diak ida ne’ebé mak kategoria despeza regular para oinsá prepara ezekuasaun no asaun atu loke prosesu ne’ebé mak liga ho aprovizionamentu liuliu ba despeze.
Ne’ebé mak tama kategoria iregular manutensaun Edifisiu, fornesimentu iregular ne’e tenki haree hodi sai prioridade hodi fasilita ba Aprovizionamentu atu loke prosesu.
Enkuantu Diretór Jerál Rejiaun adetmenistrativa Espesial Oe cusse Domingus punef reforsa, prosesu Orsamentu iha diresaun planu aprovizoramentu no diresaun finansas nian halai liu ba forsa trabalho nian.
“Ita tenke konrola beibeik atu ezekuta lalais osan kada trimestre tenki heta prusentru ne’ebé determina ona iha lei prosesu Orsamentu 25%”dehan nia.
Jornalista : Imaculada Tefa
Editor : Herminio Cardoso