Loluwari Média (Díli) – Polisia Nasionál Timor-Leste (PNTL) liu-hosi Diresaun Servisu Investigasaun Kriminál Nasionál (DSIKN asegura Sidadaun balun ne’ebé deskonfia halo tratamentu dokumentu hodi hetan osa.
Diretór Diresaun Servisu Investigasaun Kriminál (DSIK), Superintendente Xefe Polísia João Belo dos Reis, hatete, PNTL liu husi Diresaun Servisu Investigasaun Kriminál asegura Sidadaun balun ne’ebé publika informasaun katak nia bele trata dokumentus ofisiál ba nasaun hotu-hotu.
“Tanba ne’e mak ami halo monitorizasaun tanba ami simu ona keixa husi Vitima sira ne’ebé sente ofendidu ka lakon ba hahalok ne’ebé ita nia sidadaun ne’e komete”dehan nia ba jornalista sira iha Komandu Jerál PNTL Kaikoli Díli.
Nia informa, komesa iha loron Kuarta-feira,PNTL komesq halo ona monitorizasaun ba sidadaun ne’e rasik ne’ebé hela iha áre Taibesi.
“Ohin ita asegura ona Sidadaun refere iha Area Taibesi Postu administrativu Nain Feto nian no agora dadaun iha sidadaun refere iha ona ami nia liman ami asegura ona no ami halo ona prosessu indentifikasaun ba nia”dehan nia.
Nia dehan,Sidadaun refere nia komete Fraglante de lito tanba dokumentus ne’ebé mak nia uza lori habosok ema hodi trata iha nia liman no dokumentus ne’ebé atu halo mak BI,sertidaun,karta kondusaun no dokumentus sira seluk mós nia bele halo.
“Tanba ne’e ami asegura ona ho evidensia sira mak Ema nia sertidaun RDTL, BI no mós kartaun Eleitorál tanba nia lansa informasaun katak liu-husi nia, dokumentus bele trata ho lalais iha tempo badak” dehan nia.
Tanba ema selu nia osan $20 dolar to’o $100 dolar tanba ne’e PNTL sei konsulta nafatin ba Ministériu Públiku (MP) atu bele prosesa nia.
Sidadaun refere ho inisia A mane ida ne’ebé mós envolve ba kompañia Raimakmor nian ne’ebé sempre lohi ema no bosok ema tanba ne’e DSIK asegura ho evidensia barak ne’ebé prende no ho nia motór ida.
Jornalista : Cesar Pires
Editor : Herminio Cardoso