Loluwari Média (Díli) – Ohin loron kuarta-Feira sinzas sarani sira Katólika iha Mundu tomak simu Ahuk-desan nu’udar sinál símbolu katak mai husi rai no sei fila-fali ba rai.
Hahú husi ohin loron, sarani katólika ida-idak presiza halo refleksaun hodi hanoin hikas sala atu bele hadame malu ho Maromak.
“Kuarta Feira Sinzas ita hotu simu Ahuk-Desan iha ita nia rentos laos apenas simbolu de’it maibé oinsá ita atu hatene ita nia aan no ita nia ezijénsia ita ne’e se? Ahuk-desan fó hanoin mai ita kona-ba ita nia moris ne’ebé la interna ka furtu lalais de’it husi mundu ne’e”dehan Amu Parókia Santo António Motael, Padre. Guilhermino da Silva, nia Homilia iha Parókia Santo António Motael Díli, Kuarta (18/02).
Padre Guilhermino esplika, ema mai husi rai rahun no sei fila-fali ba rai, maibé rai rahun fó sinál esperansa ida, basá rai rahun ne’ebé folin laek maibé Maromak halo moris foun ida.
“Iha kuarta Feira Sinzas nian nu’udar odamatan ba ita iha tempu konversaun ka kuarezma hodi ita hakribi ita nia sala na’in tanba tempu iha ne’ebé konvida ita atu fila ba Maromak ho laran tomak.”dehan nia.
Tuir Nia, Iha livru profeta Joel nian haklaken dehan (fila mai ha’u ho laran tomak liu-husi hadera an hodi tanis no halerik, keta les imi nia hatais maibé les imi nia fuan ho laran) signifika husik imi nia ropa sira moos nafatin ba maibé imi-nia laran tenke moos tan imi nia moris.
“Maromak la haree ba aparesiu esperiór maibé fuan laran ne’ebé moos no haraik aan nia Maromak ne’ebé Mizeria Kordiozu Maromak ne’ebé pasiensia tanba ita ema nia hahalok no ba ita nia jeitu sira maibé ho Maromak nia domin bo’ot tebes ba ita.”tenik nia.
Tan ne’e,Hahú ohin ba oin kuaresma hanesan ema moras labele kansela tratamentu nune’e bele konsumu Ai-moruk tan oras ne’e mak tempu loloos no tempu grasa nian ba ema.
Tanba Oras ne’e dadaun mak tempu di’ak no tempu salvasaun nian ka tempu maksoin hakribi sala, ne’e laos kestaun ne’ebé tenke kansela maibé bolu sarani sira hotu atu halo kedas.
“Basá ita lahatene minutu tuir mai ne’e ita sei to’o kuarta konversaun ka lae? Tanba ita mak kristu nia saserdote ne’ebé bolu ita atu Dame malu ho Maromak”
Tempu kuaresma hanesan oportunidade osan mean atu hafoun relasaun ho Na’i Maromak atu sarani sira nia moris sai tebes provas ida ba nai nia domin.
Iha tempu baibain, moris ho rutina baibain maibé tama iha tempu kuarezma halo buat foun ba ema nia moris, hakribi salan ida ne’ebé loos.
“Tanba Jesus dehan bainhira ‘o hadera aan no fó esmola,keta husik liman karuk hodi hatene ho liman loos halo saida, bainhira o hamulak buka hatama o nia uma laran jesus fó hanoin katak hamulak no hadera aan no halo karidade laos palku atu sobu no hatudu aan nune’e ema seluk bele haree maibé ita halo hanesan oferta lolos ida ba Maromak”
Laran ne’ebé fila ba Maromak iha kuarta Feira Sinzas fó hanoin mai ita atu haree ba sarani sira moris ho honestu no frázil ba folin laek.
“ita laos lao sala, maibé tenke konsiente rai rahun iha ita nia rentos laos sinal desanima de’it maibé ne’e sinál esperansa nian mai ita katak ho ita nia maneira sira limita ita nia hakarak sira ita sei bele goza salvasaun ne’ebé Maromak hakarak fo ba ita”dehan nia.
Maromak transforma rai rahun ba moris tristeza haksolok ho pekadu ne’e grasa tanba ne’e halao kuarezma ne’e ho laran tomak iha loron 40 ne’e loron kuarezma hamulak ho laran moos hadera aan no haraik aan no halo karidade mak hetan moris foun husi naroman husi Maromak.
Jornalista : Cesar Pires
Editór : Herminio Cardoso