Loluwari Média (Díli) – Embaxadora Xina Wang Wenli, informa, diplomata Xina realiza enkontru Tripartidu daruak ho Polísia Nasionál Timor-Leste (PNTL) no mos emprezariu Xineza iha Timor-Leste, atu halo komunikasaun kona-ba situasaun seguransa atual hodi promove Xineza sira nia seguransa iha TL.
“Ita hadia ita nia situasaun seguransa ne’ebé diak ona, ne’e nu’udar fatór importante hodi ita atrai ita nia investor husi Xina mai halo investimentu iha Timor-Leste.” Dehan Embaxadora Xina, Wang Wenli ba jornalista sira, iha Embaxada Xina, Tersa (25/02).
Wang hatete, liuhusi ho komunikasaun Xineza ho autoridade seguransa PNTL durante ne’e la’o diak no Xineza halo medidas ida ne’ebé efisiente hodi proteze direitu legais sidadaun Xineza sira iha Timor-Leste.
“Ami louva servisu Autoridade Seguransa (PNTL), ne’ebé diak tebes tanba ho sira nia servisu ne’ebé diak tebes no sira kria ambiente ida ne’ebé seguru ba negosiante Xineza sira ne’ebé halo negosiu iha TL.”
Diplomata Xineza ne’e fiar investór Xineza sira ne’ebé hakarak atu mai investe iha TL, Wang, konsidera servisu PNTL efisiente no hetan rejultadu ne’ebé diak, tanba ne’e Embaxadora Xineza no Emprezariu Xineza sira sente seguru bainhira sira hala’o nia negosiu iha TL la’o diak tebes tantu loron no kalan.
“Ami sei apoiu PNTL liuhusi ekipamentus ba ita nia autoridade seguransa atu hasa’e sira nia kapasidade servisu futuru ho diak no ami sei halo programa no ami sei haruka membru PNTL ba Xina hodi halo treinamentu iha Xina.”
Komadante Jerál PNTL, Komisariu Jerál, Henrique da Costa, hatete, enkontru ho Embaxadora Xineza ba daruak hamutuk ho emprezariu Xineza hodi ko’alia kona-ba emprezariu Xineza ne’ebé investe ona iha Timor-Leste maibé balu nia loja kona-ba alargamentu estrada.
“Ohin enkontru ne’e ko’alia kona-b hoa atu pasa informasaun sira relasiona ho seguransa iha Timor-Leste, tanba ita hotu hatene katak bainhira ema atu mai investe iha TL ema hakarak haree lai parte seguransa nune’e ohin ita fahe servisu husi PNTL ba Embaxadora Xineza nomos emprezariu Xineza, atu sira bele hatene. No ohin ami rekomenda ba Embaxadora Xineza bainhira emprezariu atu halo konstrusaun ruma tenke haree mos ba ita nia espasu publiku liu alargamentu estrada nune’e aban bairua loza Sineza labele kona fila-fali.
Jornalista : Chay Risky