Loluwari Média (Díli) – Diretór Diresaun Servisu Investigasaun Kriminál Nasionál (DSIKN), Superintendente-Xefe Polísia João Belo dos Reis hatete, husi Tinan kotuk 2025 to’o agora Marsu tinan ne’e polísia regista kazu tara an hamutuk na’in-23 maioria feto husi Munisípiu Ermera.
Nia dehan tuir dadus ne’ebé PNTL rejista maioria Munisípiu Ermera okupa númeru boot.
“Dadus ne’ebé ami rekolla liu-liu kona-ba kazu suisidu (oho an), iha 2025 ita rezistu kazu suisidu hamutuk na’in-16 tara an,iha 2026 hahú husi Janeiru to’o mai iha fulan Marsu ita registu kazu tara an hamutuk na’in-6 inklui feto ida tara an maibé la konsege mate ho kazu tara an ne’ebé ami rejista Munisípiu Ermera okupa Primeiru lugar ba tara an”dehan nia ba Jornalista sira iha Komandu Jerál PNTL Kaikoli Díli, kuarta (01/04).
Tanba ne’e PNTL apela nafatin ba inan-aman, família, kolega, no belun sira no alin sira ne’ebé iha problema ho piskolijia no mós mentál, karik iha problema ruma komunika ho família, no kolega sira laos atu oho an.
“Ami husu ba inan-aman sira atu kontrola ita nia oan sira karik sira iha problema hakbesik an ba komunika ho sira ho maneira ne’ebé di’ak nune’e problema ne’ebé sira hetan bele buka solusaun hamutuk”dehan nia.
Nia dehan,husi kazu sira tara an ne’e, indikasaun jerál ne’ebé Polísia rekolla liu-liu kazu problema sosiál, problema piskolijia joven sira-nia liu-liu ligasaun ba namorada ou Domin.
Kazu hirak ne’e rejista maka’as husi Munisípiu Ermera okupa númeru boot, depois mak Munisípiu sira seluk Kazu tara an ne’e kompostu husi feto na’in 16 no mane na’in 7.
Iha parte seluk,Arsebispo Arkediosese Metropolitana Díli, Dom Virgílio Cardeal do Carmo da Silva hateten, tara an la’os solusaun ba problema sira maibé sempre iha dalan atu rezolve.
“Ha’u nia hanoin iha situasaun hirak ne’e hotu ohin loron,maibé hanoin katak husi númeru sira ne’e loos dunik agora pergunta mai ita mak tenke husu saida mak sai razaun ema atu oho-an liu-liu tara an”dehan nia.
Cardeal haktuir,razaun bele iha oin-oin,bele dehan presaun bele husi família, dala-ruma presaun sosiál, presaun finanseira buat ne’e mosu dala-ruma relasaun.
Tanba ne’e Parte husi Igreja nafatin apela ba joven sira labele buka dalan ida tara an ninia.
“Se ita nia fiar hanorin katak se tara an ne’e hasai vida ne’ebé Maromak fó ba ita hasai, ne’e dunik ita ba Maromak nia oin ne’e ita sei hatan oinsá ba Maromak.”dehan nia.
Jornalista : Cesar Pires
Editór : Herminio Cardoso