Loluwari Média (Díli) – Arcebispo Metropolitana de Díli Dom Virgílio Cardeal do Carmo da Silva SDB hatete, páskua mak festa ida ne’ebé bo’ot liu hotu iha kreda katólika tanba sarani sira komemora Jesus Krístu nia resorisaun.
Mensajen festa Páskua ne’e Dom Virgílio Cardeal do Carmo da Silva hato’o ba sarani katólika TL iha edifísiu Konferensia Episkopál Timorense (Sigla-Portugés CET ) Lesidere,Dili, kuarta-Feira ohin Loron 01/03/2026.
“Mai ita sarani katolika ohin loron hetan sentidu foun ida ho Jesus nia terus,mate no moris hias, furak oinsa mai ita ohin loron páskua kontinua sai fonte ba esperansa no renovasaun iha mundu”dehan nia.
Nia haktuir,Páskua oferese ba sarani sira sai hanesan sinál esperansa ba ema barak no fó hanoin ba ema hotu atu hanoin foun no pájina foun iha ema ida-idak moris.
“Ita selebra páskua iha tempu udan been barak halo Ai-horis sira buras no matak sinál vida moris,ambiente ne’e mós konvida ita hamatak no haburas ita nia moris foun maske dala barak ezije sakrifísiu no esforsu pesoál”dehan nia.
Tanba páskua ferias atu família sira hamutuk hanesan família hebreu sira nian no familia hamutuk ho eskolante sira hamutuk ho nain feto iha semakulu tanba Kristu moris hakarak sarani sira atu moris.
“Páskua tinan ida ne’e 2026 nian páskua grasa nian hodi hafoun hikas ita nia domin ba Maromak no ba maun alin sira Papa leao 14 hamutuk ho Amu Bispo Timor nian”dehan nia.
Husu ba sarani sira atu hamutuk an hodi rona Maromak nia lia-fuan habadak sarani sira nanál hodi sukat nune’e sarani sira bele sai manu ain esperansa páz no karidade.
Atu kompleta sarani sira nia tridun páskua ne’e furak oinsa buka kumpre dever no obrigasaun katólika tuir konfesa no Viasakra no tuir misa iha tridun páskua nian.
“Tanba Jesus nia moris mak marka fatuk inan iha ita nia fiar ne’ebé iha ita nia laran ba moris ida ne’ebé sei laiha rohan”dehan nia.
Jesus nia terus no mate ne’e oinsa familia buka tempu hamutuk halo orasaun hateke ba Jesus nia Kruz tanba kruz mak sasukat bo’ot ida hotu Maromak nia domin ba ema.
Harohan ba Maromak nia oan ne’ebé sarani sira adora no hanorin hadomi no haraik an pasensia ho perdua laran mós ba malu mak dalan ba moris foun tanba Jesus deit mak bele halo rekopera ho buat ne’ebé lakon.
Tempu furak husu sarani sira atu hametin liu tan fiar ho Momentu ida ne’ebé iha tentasaun no dezafiu oi-oin ne’ebé hasoru hanoin hikas papa Francisco nia liafuan ema barak mai ko’alia Maromak maibé atu hafahe domin ho família balun.
“Ha’u tatoli espesiál ba foinsae sira iha tempu páskua ne’e buka no fó netik tempu ba Maromak tanba tempu imi Joventude ida-idak ne’ebé importante liu iha ema ida nia moris”dehan nia.
Maromak dala barak hakarak tama maibé ema mak la fo fatin ba nia tanba páskua oportunidade ba renovasaun ba Jesus moris hias nia hakarak foinsa’e sira moris atu hafoun komprimisiu ba páz no reza ba páz.
“iha mediu Oriente hanoin kona-ba labarik no foinsa’e sira ne’ebé sai vítima ba funu,husu ba foinsa’e mai ita sai badaen na’in ba dame iha ita nia rain no iha mundu.”dehan nia.
Eukaristia mak ai-han moris Klamar nian hodi hakbi’it ita hakat sai husi nakukun salan nian ba moris foun páskua nian ne’ebé Jesus soi ona nia mate ema páskua nian mak ema Eukaristia tanba Eukaristia mak banati saran an nian.
“Ha’u nia boas festas santo Paskua nian ba sarani Doben sira hotu-hotu iha rai laran no mós iha mundu,Jesus moris hias ita hotu mesak ida de’it tanba Kristu hadomi imi no hakarak ita hotu atu moris ho feliz páskua ba ema hotu”dehan nia.
Iha parte seluk Diretór Diresaun Servisu Investigasaun Kriminál Nasionál (DSIKN), Superintendente Xefe Polísia João Belo dos Reis husu povu Timor laran tomak atu selebra Festa Páskua ne’e ho dame ho domin.
“Ami Autoridade seguransa PNTL husu ba ita hotu uza tempu páskua ne’e hodi hametin ita nia Unidade ho domin iha ita nia rain husi Teritoriu tomak”dehan nia.
Nia haktuir, atu garantia selebrasaun páskua ne’e lao ho di’ak presiza ema hotu-hotu nia disipliña iha estrada públiku bainhira ema seluk konduz nia Trasporte bele lao ho di’ak to’o nia fatin distinasaun.
Jornalista : Cesar Pires
Editór : Herminio Cardoso