Loluwari Media (Díli) – Ekipa konjunta husi Polísia Nasionál Timor-Leste (PNTL) no Falintil Forsa Defeza Timor-Leste (F-FDTL) no Servisu Nasionál Intelejensia (SNI) konsege detekta ne’ebé deskonfia Membru F-FDTL no PNTL balun mak fasilita hatama motór ho marka RX-King ilegál mai Timor-Leste.
Diretór Diresaun Servisu Investigasaun Kriminál Nasionál (DSIKN), Superintendente Xefe Polísia, João Belo Dos Reis hatete, Iha loron 03 fulan april mais ou menus oras tuku 4 Ekipa konjunta duni tuir konsege detekta katak membru Instituisaun F-FDTL ho postu soldadu ne’ebé mak fasilita hela Tranjaksaun.
“Tuir imformasaun ne’ebé ita rekola katak iha mós membru PNTL husi Unidade Polísia Marítima (UPM) mak simu direta ne’ebé DSIK loke investigasaun no detekta sira relasaun familia ho nia kolega ne’ebé utiliza nia Trasporte ne’e laiha koñesimentu ba nia bainhira kareta ne’e to’o iha fronteira nia nain lahatene”deha nia ba jornalista sira iha Komandu Jerál PNTL Kaikoli, Tersa (07/04).
Nia haktuir,Sidadaun ne’ebé hatama motór ilegál ne’e liu husi liña fronteira ho naran inisiál EBSP ne’ebé Ekipa konjunta asegura kedas iha momentu ne’eba sasan ho evidensia.
Tanba ne’e ekipa konjunta lori kedas Sidadaun refere halo ona prosessu ho númeru uniku 00117/2026PSIK ne’ebé ekipa konjunta apresenta ona ba iha Ministeriu públiku (MP).
Superintendente Xefe ne’e Esplika,evidensia hanesan Kareta no evidensia sira seluk DSIK asegura ona no sei supmete ba Ministériu Publiku hanesan kategoria sasan kontra bandu.
“Ha’u informa ona katak tama iha fronteira Timor-Leste Kuaze parte palaka Batugade nian depois ita nia informasaun sekreta sira detekta no sira tenta hapara nia iha fatin balun”dehan nia.
Maibé tanba la koopera,ne’e dunik ekipa konjunta sira duni tuir konsege tama to’o iha kapitál Díli maibé sidadaun ne’e la koopera nafatin Autoridade sira ne’ebé hapara nia iha dalan.
Sasan kontra bandu ne’ebé ekipa konjunta detekta ne’e motór ho marka RS-King ida no laiha tan sasan seluk no prosesu investigasaun lao hela, deskonfia sasan balu Ekipa konjunta sei asegura hotu.
“Membru PNTL ne’e agora daudauk halo nia atividade depois ami asegura nafatin kualkér tempu karik iha evidensia foun ruma iha envolvimentu ita sei bolu fila-fali nia”dehan nia.
Nia informa,Investigasaun ne’e lao ba membru F-FDTL no Membru PNTL sira nain 2 tanba kazu ne’e konsidera Fraglante delito tanba bainhira nia tama mai Ekipa konjunta duni tuir to’o mai iha Díli depois Ekipa konjunta hapara nia hafoin foti evidensia.
“ita husu orientasaun husi MP no MP sei orienta ita halo prosesu normál tanba nain ba prosesu hotu mak MP no Evidensia sira ne’e agora dadaun iha ona MP”dehan nia.
Jornalista Estajiáriu : Ivonia Dos Santos
Editór : Herminio Cardoso