Loluwari Média (Díli) – Relasiona ho funu iha médiu oriente ne’ebé seidauk hakotu fó impaktu ba presu kombustivel ne’ebé afeta mós mai Timor-Leste liu-liu enérjia eletrisidade no Trasporte sira.
Tanba ne’e,Primeiru Ministru (PM), Kay Rala Xanana Gusmão alerta ona ba públiku katak tempu kalan husi tuku 11 to’o tuku 5 madrugada EDTL,ep sei hamate liña eletrisidade iha teritóriu tomak.
“karik situasaun difisil tebe-tebes, mina (sei rezerva) 80 miloens ne’e ba fulan ne’en nia laran (mak la to’o),Ha’u informa ona ba Prezidente,sei aviza katak Eletrisidade moris to’o jam 11 kalan no dader tuku 5 dader mak loke para ita poupa.”dehan Primeiru Ministru Kay Rala Xanana Gusmão ba jornalista sira iha Palásiu Prezidensiál Bairo-Pite Díli ohin (02/04/26).
PM Xanana haktuir,governu deside hasai ona rezolusaun ida hodi autoriza kompaña importadór sira hodi sosa kedas mina kombustivel tokon litru 80 lori mai TL atu apoia EDTL no mós faan ba públiku.
Xefe Governu infoma,TL kontinua akompaña nafatin funu ne’e, tanba problema la’os presu de’it, maibé problema falta de venda,presu de’it ne’e bele hatama, entaun governu subsidia de’it valór ida liu ne’e.
“Problema iha médiu Oriente imi (Jornalista) hotu akompaña, ha’u estreitu mineirus ne’e mak lori mina sira ne’e mai faan, liu-liu iha Ásia tomak, tanba ne’e la’os de’it atu subsidia presu ne’ebé as liu kustu normál, maibé agora laiha ona.”dehan PM.
Xefe governu hatete,Ró sira ne’ebé atu lori mina ho gas liu husi nasaun Iran destroy, ne’ebé funu seidauk bele serteza bainhira mak hotu.
“Ita akompaña katak Prezidente Donald Trump atu fó mensajen ida ba nasaun Amerika, maibé ita ne’e loron sira ne’eba kalan, ne’ebé ohin dadersan mós ha’u sei buka maibé seidauk iha, ne’ebé ita lahatene loos, Prezidente Trump promete dehan semana rua ka Tolu funu hotu ona maibé ida ne’e buat seluk.”esplika PM.
Tanba,Funu atu hotu ona ohin mós, Iraun destroy fasilidades, Mina, Gas iha Dubai, Qatar, UEA, ne’ebé funu hotu tiha mós supply buat ne’e laiha, ne’e mak problema boot ba TL.
Alende ne’e Governu sei aviza mós ba ema sira ne’ebe utiliza kareta hotu-hotu, liu-liu instituisaun publika para reduz mós movimentu karreta ba públiku en jerál.
“Ezemplu Sabadu ho Domingu la servisu kareta labele la’o ona, la’o ain de’it, hanesan para ita poupa, tanba la’os funu hotu ona ne’e ita atu simu ona lae”
“problema funu hotu mós, sei lori fali tinan ka tempu naruk bainhira sira halo fali buat sira ne’ebé destroy ona ne’e, hodi produz fali mina atu mai, ida ne’e mak ha’u hakarak aviza ba publiku tomak”dehan PM.
Jornalista : Cesar Pires
Editór : Herminio Cardoso