Loluwari Média (Díli) – Posibilidade governu sei prevé osan subsídiu kombustivel ba movimentu transporte públiku sira ne’ebé tula pasajeiru sira tanba mina kombustivel folin sae.
Ministru Transporte Telokomunikasaun (MTK), Miguel Manitelo hatete, governu sei halo diálogu ho na’in ba transporte públiku iha munisipiu hotu-hotu inklui Díli, kona-ba presu konbustivel.
“Ha’u rona informasaun no iha relatóriu katak, Munisípiu Viqueque sei halo greve durante semana ida, segunda karta sei fila-fali ba munisipiu Aileu mós atu halo diálogu ida ho nain ba Transporte sira atu haree to’ok posibildade atu aumenta osan oituan ba transporte públiku,karik atu aumenta hira tanba mina nia folin sa’e la to’o 100%”dehan nia ba jornalista sira iha Palásiu Governo, kuarta-Feira (08/04).
Nia haktuir,atu halo diálogu entre autoridade Munisipál, tenke inklina mós PNTL, no MTK sei halo konkluzaun bazeia ba diálogu ne’ebé sei halo atu nune’e bele hatene presu hira mak presija atu aumenta ba transporte públiku sira ne’ebé halai iha Munisípiu inklui kapitál Díli.
Tanba ne’e Ministru MTK mós ko’alia ona ho Ministériu Administrasaun Estatál (MAE) no Ministériu Interior (MI), tanba sira mós parte ida ligasaun ho MTK ne’ebé atu halo fiskalizasaun ba implementasaun dekretu lei ne’e.
Para hahú ona hasai despaixu ba autoridade munisipál sira no komandante Munisípiu sira atu halo reuñaun ho na’in ba transporte sira, para atu kontrolu la’os de’it ba Mina folin iha merkadu.
Jornalista Estajiada : Arcângela dos Santos /Ivonia dos Santos
Editór : Herminio Cardoso