Loluwari Média (Díli) – Komisaun E ne’ebé trata asuntu infraestruta iha Parlamentu Nasionál (PN) sei ba halo fiskalizasaun ba projetu infraestrutura ne’ebé hala’o iha illa Atauro iha semana oin.
Prezidenti komisaun E Deputadu Marcos Xavier hatete, komisaun E hakarak ba haree direta projetu ne’ebé deskonfia kompaña ida de’it mak kaer ne’ebé sai polémika iuha públiku.
“Semanan oin mai ami sei halo Fiskalizasaun iha Atauru tanba iha ne’ebá iha polemika Boot ida katak, iha ne’eba kompañia ida mak kaer obra iha atauru.” Dehan Deputadu Maria Xavier ba jornalista sira hafoin audensia públiku iha Parlamentu Nasionál Dili, kuarta (10/06)
Tanba ne’e Komisaun E mós deside ba Atauru iha semana oin durante loron tolu para oinsa atu haree servisu obra sira ne’ebe mak agora dadauk la’o hela iha Atauru.
”Kona-ba situasaun ne’e ita haree foin dadauk Komisaun anti korupsaun (KAK) no PDHJ ba hare ona Estrada ne’ebé mak la’o iha Atauro, ho ida ne’e mak ami komisaun E haree diretamente ba haree rasik servisu sira ne’e la’o ka lae no buat sira ne’e akontese duni ka lae”dehan nia.
Nia haktuir, Kompañia ida Iha Direitu atu kaer projetu barak tanba lei la Iha atu regula maibè tuir loloos Kompañia tenke finaliza tiha projetu ida hafoin kaer tan projetu seluk nune’e bele garante nia kualidade
“Ha’u hanoin projetu atu kompañia hetan barak tanba ita la iha lei tanba sidadaun iha diretu maibé observasun komisaun nian obra ne’ebe mak kompañia hetan nia finaliza tia servisu mak fó mais lei ne’e la iha tanba ita la garantia nia kualidade ne’e di’ak “dehan nia.
Jornalista : Imaculada Tefa
Editor : Herminio Cardoso