Loluwari Media (Lautém) – Estudante husi Ensiñu Báziku Sentrál 1,2 Daudere postu administrativu Lautém, Munisípiu Lautém hamutuk na’in 31 mak tu’ir ezame nasionál enkuantu estudante na’in ida la partisipa tanba moras.
Koordenador EBC Paralelo 1,2 Daudere Hermenegildo Pereira, hatete, estudante sira hamutuk nain 31 husi EBC Paralelo Daudere mak halo ona ezmane nasionál.
“Totál hamutuk 31 feto 20 mane 11 entre sira ne’e ida mak aujente tanba ho kondisaun moras ida ne’e mak la tama ezame” dehan Ko’ordenador EBC ba loluwari.tl, segunda (20/10).
Tuir Nia,finalista hirak ne’e fahe ba sala rua,balu 20 no sala de aula balu 11.
Ko’ordenador ECB, esplika ezame nasionál la’o di’ak tanba manorin na’in sira halo vijilante máximu kontrola to’o oras remata.
Inspetor EBC Munisipio Lautém Levogildo Gustavo hatete, monitorizasaun ba EBC Daudere hodi observa direita ba estudante sira ne’ebé tuir ezame nasionál no professor sira ne’ebé halo vijilante ba estutdante sira.
“Ami inspetór hala’o inspesaun ba lala’ok hotu ne’ebé ke akontese iha eskola, hanesan agora dadauk ne’e katak ezame nasionál ne’e ami iha kna’ar atu halo monitorizazaun” dehan nia.
Estudante Finalista, Zelia da Costa Xavier, sente materia balu di’ak no balu difisil ba nia.
Jornalista: Alberto Pires