Loluwari Média (Lautém) – Ohin Estudante husi Ensiñu Sekundáriu Jerál Númeru 1 de Lautém Munisípiu Lautem Postu Administrativu Lautém hamutuk na’in 135 mak tuir ezame nasionál.
Diretór Ensino Sekundáriu Jerál No 1 de Lautém, Estevão Horacio hatete, estudante hamutuk na’in 135 mak tuir ona ezame nasionál.
“Ohin dia 20 de Outubro de 2025 alunos sira ne’ebé tuir hela ezame nasionál hamutuk 135 entre 135 ne’e mane 54 no feto 81,” dehan Diretor Ensinu Secúndaria Geral No 1 de Lautém, Estevão Horacio ba Loluwari.tl nia kna’ar fatin segunda-feira (20/10/2025).
Nia dehan, professor sira espera estudante sira bele pasa hotu ezame nasionál ne’ebé durante ne’e manorin nain sira hanorin tuir matéria ne’ebé mak iha.
Estudante Almerinha dos Santos C. Silva sente konfortavel ba ezame nasionál ne’ebé sira halo tanba preparadu.
“Ha’u kontente tanba iha ezame nia laran aprende buat barak, no liu husi ezame mak ami sei hatene oinsa atu priense folla tuir ami nia kapasidade ne’ebé durante ne’e ami estuda iha uma”dehan nia.
Estudante Benilda Marta Miranda fiar an sei pasa ezame tanba preparasaun másimu tebes.
“Ha’u sente ezame ne’e di’ak tanba pessoál ba ha’u preparasaun antes, ba ha’u nia aan ezame ida ne’e hotu ha’u garante hela katak ezame ida ne’e hotu ha’u passa,”dehan nia.
Enkuantu, regulamentu ne’ebe mak iha professor regula ba estudante sira mak mane tenke tesi fu’uk badak, ba feto labele uza brinkus,kelu,pinta ibun, no labele uza telemovel no hetan vizilansia másimu husi manorin nain sira.
Entretantu Materia ezame nasionál hamutuk 11 ba mak estudante sira husi Siensia Teknolojia habesan;Matemátika, Fisika, Biológia, Química, Lingua Português, Lingua Inglesh, Ekonómia, Sociológia, Geográfia, Lingua Tetum, História.
No Materia lokál mak, Relijiaun, Temas e Literaturas, Teknolojia Multimedia, Geolojia no Melaiu
Jornalista: Alberto Pires