Loluwari Média (RAEOA) – Primeiru Ministru (PM), Kay Rala Xanana Gusmão husu Atoni oan sira tenke kria unidade hodi bele dezenvolve Rejiaun Administrativa Espesiál Oé-Cusse Ambeno (RAEOA).
Primeiru Ministru hatete,bainhira Atoni oan sira lakoi servisu hamutuk maka sei troka fali estrutura foun atu bele lidera RAEOA.
“Ha’u mai iha Atoni sira, loloos ha’u selebra iha Dili, tanba Oé-Cusse iha hela situasaun defisíl,imi kala haree ba malu oin la moos, balu dehan ‘ha’u matenek liu o’, tanba ne’e ha’u husu, Atoni-oan sira hamutuk, imi mak sei lori Oé-Cusse ba oin, sei imi la hamutuk ami husi Manatutu mak sei mai” Dehan Primeiru Ministru (PM), Kay Rala Xanana Gusmão iha nia diskursu iha Kampo Palaban RAEOA, (28/11).
Ne’e dunik tinan 50 loron proklamasaun iha Oé-Cusse,prezensa PM iha RAEOA la’os atu hasa’e no hatuun de’it Bandeira la’e, maibé atu konta istória ne’e liu-liu ba foinsa’e sira, tanba saida mak mosu 28 Novembru no tanba saida mak unilaterál.
PM Xanana enkoraja atoni oan sira,atu nafatin hakat ba oin oinsa uja kakutak ko’lia ba malu no tulun malu no oinsa atu hakat ba oin.
“Tanba ne’e mak 50 anos ita selebra iha RAEOA oinsa ita tenke defende ita nia soberania tanba momentu ne’eba ita nia Diplomásia sira iha liur mós enfrenta difikuldade”dehan PM
Maibé dehan ba ONU katak fofoun invazaun barak mak apoiu TL tanba ne’e PM husu ba Povu Timor oan hatudu duni nia rejistensia katak bainhira Timor-Leste iha ona imi nia fuan ho laran.
PM dehan Rejultadu husi 50 anos atu selebra koriziozu husi lider Nasionál husu ba Atoni oan sira hotu fo homenagen ba sira bainhira momentu tempu difisil no komplexu ruma atu hadia rai ida ne’e.
“ita nia rain RDTL hodi hanoin bele hasai ho desizaun koriziozu tanba ne’e mak presta homenagen ohin nee hodi hatene Historia loron ida nee duni wainhira momentu difisil ita too ita bele hasai ita nia tauk husi tempo defisil.”tenik PM.
Atu kompleta iha tempu defisil ne’e nu’udar RDTL 28 de Novembru liu tiha prepara ekipa ida sai ba liur hodi defende TL nia direitu no apoiu ukun an iha ONU ne’eba laos apoiu Militár maibé apoiu ho diplomátika.
Jornalista : Cesar Pires
Editór:Herminio Cardoso