Loluwari Média (RAEOA) – Klube Naimeco Fc.sai kampeaun ba vensedór Taxa Maun Boot Kay Rala Xanana Gusmão ne’ebé halao iha Rejiaun Espesiál Oé-Cusse Ambeno (RAEOA) ho skor 2-1 liu husi Penalidade.
iha inísiu jogu arbitru fo sinál, ekipa rua lansa kedas kontra atake ba malu tuir tátika no estratejia treinadór ne’ebé orienta nia jogador sira atu hetan rezultadu máximu.
Ekipa rua hala’o jogu ho ritmu ne’ebé aas, maibé ekipa Naimeco ne’ebé hala’o jogu agresivu, ho bola ne’ebé husi ain ba ain, ho ambisaun hodi bele produz golu.
Maibé liña defeza ne’ebé solidu no la fó opurtunidade ba nia adversariu atu realiza golu iha Kampu Oebau Rejiaun Administrativa Espesial Oé-Cusse Ambeno (RAEOA), kinta (28/11).
Ekipa Naimeco koko domina iha jogu, hodi fó presaun ba liña defeza Lalisuk,maibé Ekipa Lalisuk konsege halo balansu ba jogu, liuhusi kontra atake hodi sobu liña defeza Naimeco neebe ho kuinesidu iha Rejiaun Administrativa Espesial Oé-Cusse Ambeno (RAEOA).
Maske nune’e, sira la hatudu sira nia ofensidade iha jogu hodi husik adversáriu sira aproveita opurtunidade hodi lansa ameasa ne’ebé fo perigu ba guarda rede.
Ekipa Naimeco ne’ebé lansa kontra atake ne’ebé lais, halo liña defensivu Lalisuk tenke gasta enerjia hodi bele hamate liña avansadu Naimeco nian.
Iha minutu 23 Ekipa Lalisuk hetan opurtunidade atu marka golu aproveita fallansu jogadór defeza adversáriu, maibé la konsege, ho opurtunidade ne’e Naimeco hetan liu-husi lansa bola kantu, jogadór António Eco ho numeru kamizola 19 konsege fura guarda rede Lalisuk nian hodi lidera jogu 1-0 to’o primeira parte termina.
Jogu segunda parte Naimeco lansa atake ne’ebé agresivu, nune’e halo presaun ba ekipa Lalisuk liu-husi liña médiu parte loos, hodi lansa sutu maibé seidauk kona alvu tanba defeza Naimeco antisipa bola ho di’ak.
Ekipa rua halo kontra atake ba malu hodi hadau malu opurtunidade atu aumenta golu no responde golu, maibé la konsege, tanba esforsu hirak ne’e seidauk kona nia alvu.
Iha kampu ninin treinadór sira orienta jogador sira atu muda estartejia liuhusi substituisaun jogador sira atu halo balansu jogu.
Atmosfera iha kampu Oebau barullu liu tan husi adeptus sira ne’ebé hakilar no haklalak balu hu korneta balun baku kalen, hodi fo suporta maximu ba ida-idak nia ekipa.
Iha minutu 51 jogador husi Lalisuk Amique bobo ho kamizola 15 konsege responde golu husi ulun neebe hiit kantu husi nia jogador nune’e kamizola 08 Natalino Lalisuc ho provizoriu 1-1 mantein to’o jogu nee termina iha segundu parte.
Jogu refere tenke hakat ba Penalidade maske ekipa rua forsa hanesan tanba eskolla Jogadór nain 5 tiru Penalidade tolu mak golu no 2 la golu neebe skor mantein 3-3 no kontua eskolla jogador nain 2 hafoin Lalisuk lakon iha Penalidade skor 2-1 iha Taxa Rotativa Maun Boot Kay Rala Xanana Gusmão Tinan nee Sucu Naimeco Primeiru Lugar, Sucu Lalisuk Segundu lugar, Sucu Costa 3 Lugar no Sucu SuniUfe sai 4 lugar.
Tanb ne’e,Primeiru Ministru (PM), Kay Rala Xanana Gusmão,Atoni oan sira barak mak iha talentu ba despotu ne’ebé ho jogu ne’e atu hametin lasu amizade entre joven sira.
“Desportu nia importante liu mak oinsa haburas Domin ho Dame iha suku laran liu iha Oé-Cusse laran tomak tanba ohin ha’u kontente bainhira Sucu Naimeco manan Ama no Apa sira kontente no haksoit no haklalak hodi fo suporta ba imi nia oan sira ha’u kontente tanba imi nia oan sira mai tuir jogu ne’e reprezenta imi nia sucu ida-idak”dehan PM.
Ne’e dunik, PM hkatuir,jogu ne’e haburas nafatin kria desportu hodi Hamoris domin no paz atu nune’e Oé-Cusse bele hamriik mesak ho orgullu.
“Bainhira jerasaun tuan sira laiha ona karik imi jerasaun foun kria Unidade haburas nafatin hanoin ne’ebé di’ak ba rai ida ne’e hodi bele dezenvolve imi nia rain rasik tanba desportu ne’e atu ajuda imi nia Unidade Nasionál”dehan PM.
Taxa Rotativa Maun Boot Kay Rala Xanana Gusmão ho nia tema mak “Hametin Lasu Amizade Entre Oé-Cusse Oan, Hamoris karater Dame no Hakuak Metin Unidade Nasionál hodi Kontribui ba Prosesu Dezenvolvimentu Nasionál”
PM Xanana haktuir,ho tema ida ne’e dunik laos see mak manan mak di’ak liu no se mak lakon mak at liu maibé atu muda karakter nudar atoni oan hadomi malu fó liman ba malu nu’udar Oé-Cusse oan.
Jornalista : Cesar Pires
Editór:Herminio Cardoso