Loluwari Média (Díli) – Loron FALINTIL Tinan ne’e ba dala-51 ona, Falintil Forsa Defeza Timor-Leste (F-FDTL) hamutuk ho estudante Universidade Nasionál Timor Lorosa’e (UNTL) hala’o marsa lao ain husi Munisípiu Viqueque,Kararas to’o foho matebian.
Marsa Lao Ain ida ne’e ho nia sub tema (Marsa ida,Liman fatin ida ba rekonsiliasau), ne’ebé pasu ba estudante UNTL atuhakat hodi fó omenajen no rekonsiliasaun.
Xefe Estadu Maiór Jenerál Falintil Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” hatete, Marsa ne’e sai ezersísiu fíziku hodi konverte ba aktus no dever hodi hanoin hikas TL nia luta ukun rasik an ne’ebé ema hotu-hotu sakrifika.
“Bainhira ita komemora Aniversáriu Falintil nian ba dala 51 imi sei marsa lao Ain husi Viqueque Kararas liu-husi Builo kontinua Nahareka to’o grandeza foho Matebian ho nia distánsia bele responde kapítulu moris husi ita nia historia pasadu nian.”dehan Falur Rate Laek ba jornalista sira iha Kuartel General F-FDTL Fatuhada Díli, kinta (13/08).
Xefe Estadu Esplika, Marsa Forsada husi F-FDTL no Estadu UNTL nia viajen sai sasukat hanesan esperiénsia kona-ba vivente ba mate no estudante sira sei rekoñese ba natureza ne’ebé uluk sustenta gerileiru sira.
“imi sei indentifika refujiu sira ne’ebé uluk proteje gerileiru sira husi serku inimigu nian,ho imi nia viagen naruk imi sei hatene topografia ba ita rai Viqueque ho Baucau nian”dehan nia.
Tanba husi rai lolon no rai klean, foho lolon no Ai-lran ne’ebé uluk satan no fó protesaun ba gerileiru sira ohin loron Timor-Leste livre no independénsia hudi Jornada naruk ida ne’e nia rohan.
Foho Matebian foho luluk Nasaun nian sei hatudu an tanba iha tempu pasadu ema rihun ba rihun fatin esperança nian iha ne’eba mós pájina todan ne’ebé TL nia Jornada luta libertasaun nasionál nian.
Tanba refujiu no trajédia tanba foho Matebian fó sofrimentu no Rejilensia iha povu Timor-Leste nia klamar.
“Ha’u husu ba Foin-sa’e no Forsa Armada sira ne’ebé ohin Parada ida ne’e atu halo reflesaun tuir dalan ba aniversáriu Falintil nian ba dala 51 ho nia tema (fó ónra ba mártires sira Laós jestu simples nostalgia nian maibé nu’udar dever no memoria Viva) “dehan falur.
Falintil,Falur informa,la husik de’it Istória funu nian ba TL maibé sira husik sai ezemplu ida ne’ebé dura ba disipliña ba rai ida ne’e no reziliénsia hasoru adiversidade.
Vise-Reitora Asuntos Estudantes UNTL,Bia Ble Hitu Carvalho de Jesus hatete,Estudante UNTL bele partisipa iha Jornada Marsa ida ne’e atu nune’e estudante sira bele sente valór Istória TL nian.
“Ami apresia ba Instituisaun F-FDTL ne’ebé realiza marsa lao ain husi Viqueque Kararas to’o Foho Matebian nian ho ami nia estudante sira”dehan nia.
Koordenadór Estudante UNTL Inocencio Mauputar Candido de Deus hatete, Estudante sei kontinua hanesan jerasaun ida ne’ebé sei hatutan no habelar Istória moruk ne’ebé gerileiru sira rai hela.
“Ita nia Erói no Eroina sira ultrapasa ho Sofrimentu no sakrifísiu boot ida ba ita nia rai doben Timor-Leste nia independensia, ohin Jornada lao Ain ida ne’e sei nakonu ho espiritu Nasionalismu no Patriotismu”dehan nia.
Tanba Jornada ida ne’e hanorin estudante sira atu hatene Istória pasadu ne’ebé gerileiru sira hasoru iha tempu difisil nia laran,tanba ne’e estudante sira sei lao Ain husi Viqueque Kararas ba to’o foho Matebian.
Hodi haree Memoria sira ne’e atu nune’e joven foin-sa’e sira bele valoriza nafatin istória pasadu ne’ebé nakonu ho Dezafiu no Aitarak.
Jornalista : Cesar Pires
Editór : Herminio Cardoso