Loluwari Média (Dili) – Hahú iha loron 29 fulan Setembru 2025,Prezidente Repúblika José Ramos Horta promulga ona revogasaun lei pensaun mensál Vitalísia (LPMV) ba Tribunál Rekursu (TR) hodi deside konstitusionál ka Inkonstituisionál.
Maibé to’o oras ne’e kompleta ona fulan lima maibé autoridade judisiál husi Tribunál Rekursu seidauk foti desizaun.
Tanba ne’e,Asosiasaun Fakuldade Direitu UNTL alarma nafatin hodi husu ba Tribunal Atu Deklara ona Konstitusionalidade ba Revogasaun Lei Pensaun Vitalisia.
Pota Voz Asosisaun Fakuldade Diretu (UNTL), Benjamin Jeovano Matus hatete,Tribunal Rekursu Tenke deklara ona konstitusionalidade ba revogasaun lei Pensaun Mensal Vitalisiaa ne’ebé budu hela iha Tribunál Rekursu.
“Asosiasaun Akadémika Fakuldade Direitu UNTL nafatin husu ba Tribunál Rekursu atu deklara ona Konstitusionalidade revogasaun Lei Pensaun Mensál Vitlisia, ne’ebé oras ne’e Pendente ka Budu hela.” Dehan Pota Voz Asosisaun Fakuldade Diretu (UNTL), Natalício Nunes Martins ba jornalista sira iha Resintu UNTL, Kuarta (11/02).
Nia dehan, Luta ba halakon Lei Pensaun Vitalisia laos Vontade Partidu Politiku sira ne’ebé ukun troka malu,maibé husi esfosu tomak ne’ebe EUTL ho Povu Maubere tomak nia luta.
“Ita hotu hatene katak,luta ba halakon lei Pensaun Mensál Vitalísia laos vontande husi politiku sira, husi partidu A ka B ne’ebé sempre ukun troka malu, maibe husi Kondisaun reál ne’ebé povu maubere hasoru mak dudu no hamriik liu-husi EUTL hodi luta to’o sakrifika aan hodi halakon liu-husi Akordu ne’ebé EUTL halo iha Parlamentu Nasional.”dehan nia.
Husi akordu EUTL ho PN mak hamosu Projeitu Lei númeru 11/2025 no hetan votu unamindade husi Deputadu sira iha PN no hetan ona promulgasaun husi PR hodi halakon totalmente LPMV.
“Husi Akordo ne’e mak obriga bankada sira hodi hamosu projeitu lei no 11/2025 no ikus mai deputadu sira aprova iha Parlamentu Nasionál ho votus unaminidade”dehan nia.
Husi projeitu lei ne’e,Nia dehan, haruka ba Presidente da republika hodi promulga sai lei no 7/2025 iha loron 29 de setembru hodi revoga ka halakon totalmente lei pensaun mensal vitalisia, iha ne’ebe lei ne’e mai ho karter retroativa signifika aplika ba kotuk husi kedas 2002 ba futuru.
Baihira presidente da republika promulga lei ne’e povu maubere kontente tebes tanba lei pensaun mensál Vitalisia lakon Duni ona iha Estadu RDTL.
Entretantu Asosisaun Faulkdade Diretu UNTL Deklara baihira laiha Desizaun husi Tribunál Rekursu la deklara kona-ba Lei pensaun mensál Vitalisia mak sei tau Junta forsa hamutuk ho EUTL hodi Ejiji ba Tribunal Rekursu.
Jornalista : Cesar Pires
Editór : Herminio Cardoso