Loluwari Média (RAEOA) – Povu Atoni oan iha aldeia Nun Kolo Suku Abani, sub-rejiaun pasabe sei oferese rai ba instituisaun Falintil Forza Defeza Timor-Leste (F-FDTL) atu iha futuru forsa sira halo uma hodi hala’o servisu iha liña fronteira.
Xefe suku Abani Carlos Elu lori komunidade suku nia naran agradese ba politika forsa armada sira nia servisu hotu-hotu iha TL ne’ebé atu loke tan servisu sira iha postu tanba komunidade prontu oferese ba rai F-FDTL.
“ami iha fatin atu oferese ba imi (F-FDTL )mak fatin Nakome ne’ebé sai fatin Permanente ba F-FDTL nian, karik ba futuru planu atu tau kompaña ida iha postu adminitrativu pasabe”dehan nia ba jornalista sira iha Suku Abani Sub Rejiaun Pasabe, kuartu-Feira (08/04).
Nia dehan,autoridade lokál presiza tebes prezensa F-FDTL iha liña fronteira hodi halo seguransa tanba komunidade sira besik liu fronteira entre TL ho Indonézia no tenke halo kooperasaun servisu ho PNTL atu labele iha dezentendimentu iha seguransa.
“fatin ida ne’e besik fronteira Indonesia, ne’e mak ami husu nafatin F-FDTL atu koopera ho polísia Nasionál Timor-Leste (PNTL) kona-ba problema saida de’it mak ita hasoru”dehan nia.
Xefe Estadu Maiór Falintil Forsa Defeza Timor-Leste (F-FDTL) Brigandeiru Jenerál José da Costa Soares “Trix” hamutuk ho representante Diresaun Regional Terras Propriedades, no Representante responsanel seksaun adminitrativu Bens e Moves, Xefe Postu administrativu, Xefe suku Passabe, Lian nain no mós komunidade Sira, vizita no observsaun ba Fatin atu oferese ba F-FDTL.
“Ami mai tamba delegasaun nu’udar xefe Estadu Maior, lori komandante Batallaun para ko’alia autoridade lokál sira rona rasik, ho objetivu ofisiál atu fó hatene ba sira bele fó sai sira nia hanoin kona-ba atu entrega rai ne’e”dehan nia.
Nia dehan,politika Ministériu Defeza ba forsas armada sira, depois de ukun aa/n, Falintil trasforma ba F-FDTL, atu kontinuasaun hametin saida mak Falintil sira halo.
Tanba tuir planu 2030, forsa armadas tenki iha membru efetivu atinji 5000 ba leten, maibé to’o agora seidauk atinji númeru ne’ebé governu hakarak tanba F-FDTL sei enfrenta kondisaun ba problema oioin,maibé komandu iha posibilidade ne’ebé tenki apoiu fatin no husu ba Autoridade munisipál hodi oferese fatin ba F-FDTL atu nune’e F-FDTL bele haleiu nia povu ne’ebé sai hanesan lutu nasaun.
“Ho objetivu esensial ne’ebé bele ajuda ami, maibé ami sei husu karik komunidade bele fornese Rai pedasuk ida ba forsa armada sira bele halo netik uma ida hodi bele halo sira nia aktividade iha RAEOA”dehan nia.
Jornalista : Imaculada Tefa
Editór : Herminio Cardoso