Loluwari Média (Díli) – Reprezentante Santa-Se, Marco Sprizzi, informa, hala’o enkontru ikus ho Prezidente Repúblika (PR), José Ramos-Horta despedida tanba tinan 6 furak iha Timór-Leste, no sei fila hikas ba Vatikanu hodi simu kna’ar foun ida iha Vatikanu.
Hafoin Santu padre noemia Marco Sprizi sai nu’udar prezidente Ministru Traballu korespondénsia ba Supremu. husi Vatikanu.
“Ha’u mai atu dehan adeus ba prezidente ne’ebé ami iha relasaun diak durante tinan hirak ne’e ho amizade bo’ot no kolaborasaun bo’ot molok nia eleitu ba dala rua nu’udar prezidente no xefe estadu, ami iha ona relasaun amizade pesoál no depois kolaborasaun perfeitu ho nia, governu, no estadu.” Dehan Reprezentante Santa-Se, Marco Sprizzi, ba jornalista sira, iha Palasiu Prezidensial, Nicolau Lobato, Bairro-Pité, Dili, sexta (28/02).
Sprizzi dehan enkontru despedida ne’e relata esforsu Sprizi nian durante vizita, Papa Francisco mai vizita Timor-Leste,. Molok vizita Marco Sprizzi halo buat barak antes vizita Sua Santidade, Marco Sprizi mos agradese ba Maromak ba rezultadu pozitivu sira ne’ebé nia konsege atinji.
“Ha’u dehan katak prezidente sempre iha kontaktu ho ha’u lorloron kona-ba atualizasaun sira no klaru katak ha’u sei lori ba Santu Padre. Hanesan ha’u dehan ona, afetu husi timoroan hotu, husi prezidente, husi bispu sira, husi primeiru ministru no imi hotu, tanba Amu Papa sempre dehan katak rikusoin bo’ot liu husi Timor-Leste mak ninia povu, tanba ne’e mak prezidente ko’alia nu’udar reprezentante husi povu Timor tomak.”
“Ha’u hakarak hatutan buat ruma ne’ebé ha’u sei lori nafatin ho ha’u nia fuan, Timor Lorosa’e ha’u sei la haluha afetu, domin no hamnasa husi ema timoroan ida-idak ne’ebé ha’u hasoru iha tinan hirak nia laran, la’ós de’it iha Dili ha’u vizita área remota barak, kapela sira, aldeia sira iha rai laran, no ha’u sei lori sira hotu hamutuk ho ha’u iha ha’u nia fuan iha Vatikanu.”
Sprizi hatete, bainhira mak nia sei to’o mai, maibé nia hetan ona nomeasaun no ema ne’ebé iha esperiénsia barak. Nia hatene ema ida ne’ebé preparadu tebes, sériu tebes no sei dezenvolve ninia servisu nu’udar baibain ho atensaun bo’ot, respeitu bo’ot no ho kolaborasaun hodi servisu nafatin ba povu, demokrasia, harmonia no pás iha Timor Leste.
“Bainhira ha’u simu responsabilidade mai Timor-Leste buat hothotu sai dezafiu ida, maibé iha tempu hanesan ida ne’e la fasil tanba liuhusi tempu sira hotu ida ne’e fasil tanba ami nia abilidade atu simu. Ita nia maneira atu ha’u, nia hamnasa, laran di’ak no konfiansa ne’ebé ha’u persebe halo dezafiu sira hotu sai fásil liu.”
“Ha’u nia servisu no servisu sira hotu sai dezafiu ida, hari’i Nunsiantura nova ne’e susar, buat hothotu importante, buat barak, konkorente 150 no buat sira, ne’e mak tempu Covid-19.”
“Ha’u halo konstrusaun tu’ir tempu ne’e dezafiu bo’ot ida, organiza Amu Papa nia vizita. ha’u sente ksolok, ne’e dezafiu bo’ot ida, maibé kolaborasaun ho estadu, unidade ho igreja no natureza di’ak.
Halo buat hotu sai fásil mai ha’u, ne’e trankuilidade ho ksolok, ha’u la lembra, Dezafiu sira iha sentidu armadura nian la’ós buat hotu halo hanesan barak ho grasa barak husi Maromak.”
Jornalista : Chay Risky