Loluwari Média (Díli) – Direitór Diresaun Tranzitu Seguransa Rodaviariu (DTSR), Superintendente Asistente Polísia, Luis da Costa, informa, servisu Polísia Nasionál Timor-Leste (PNTL) liuhusi Diresaun Tranzitu Seguransa Rodaviariu ne’ebé eziste iha 13 munisípiu inklui Rejiaun Administrativa Espesial Oe-Cussi Ambeno (RAEOA) rekolla asidente iha fulan Marsu total kazu hamutuk 191.
“Husi kazu 191 ne’e ema lakon vida na’in haat (4), ema kanek todan hamutuk na’in 32, kanek kaman hamutuk ema na’in 191. Husi kazu ne’ebé ha’u mensiona, polísia konsege finaliza kazu ida no sei prosesu iha Tribunal nia laran mak kazu 4 ne’ebé iha prosesu nia laran mak 94 rejolve anivel infratores iha terenu hamutuk 94.” Dehan Direitór DTSR, Superintendente Asistente Polísia, Luis da Costa, ba jornalista sira, iha kuartel Jerál PNTL Kaikoli, Kuarta (09/04).
Luis relata, kazu ne’ebé akontese ho fatór determisaun mak fatór humanu pursentu sianulu (90%) fatór veikulu hamutuk pursentu lima (5%) no mos fatór estrada hamutuk pursentu lima (5%).
Alende ne’e akontese asidente fatal ne’ebé iha munisípiu Díli na’in rua iha munisípiu Liquiça na’in ida no mos iha munisípiu Manufahi na’in ida iha asidente ne’e fatór umanu pursentu sianulu (90%).
“Ami nia servisu iha munisípiu sira hotu inklui iha fronteira, ami iha reseitas ba kofre estadu ho infrasaun total hamutuk $ 73.648.00 husi numeru ne’e okupa primeira mak Komandu PNTL Munisípiu Díli hatama $ 23,433, segundu Komandu PNTL munisípiu Ermera hatama $ 11,463.00. no terseiru DTSR Nasionál hatama $ 8,386.00, no tu’ir fali mak Komandu munisípiu Manatuto hatama $ 7,015.00, ikus komandu PNTL munisípiu Aileu hatama $ 5,148.00 .”
“Infrasaun ne’ebé infratores sira komete barak liu mak kontra Autoridade tranzitu 606, tu’ir fali la lori dokumentus original infratores hamutuk 485 no tu’ir fali mak inspesaun liu prazu hamutuk 410, infratores la uza kapasete hamutuk 322, no ikus infratores nia karta kondusaun liu prazu hamutuk 202.
“Husi infrasaun sira ne’e mak ita konsege hatama reseitas ba kofre estadu no iha fronteira mos ita konsege hatama ba kofre estadu hamutuk $ 20 mill 64 dolares Americanu hahu husi Mota Ain, Batugede, Sakato no mos iha Mota masin Suai.”
Jornalista : Chay Risky