Loluwari Média (Díli) – Komandante Unidade Espesiál Polísia (UEP), Damião Correia, informa, Polísia Nasionál Timor-Leste (PNTL) liuhusi Unidade Espesiál Polísia (UEP) no iha sub Unidade tolu mak Batellaun Orden Publiku (BOP), Companã Seguransa Pesoál (CSP) no Companã Operasaun Espesiál (COE) instala seksaun sino tekniku ida ho naran K9 (Anjing Pelacak).
“Ita instala tan seksaun K9 ou hanaran (Anjing Pelacak) atu hakiak Asu hodi bele identifika ou detekta Droga, no atu buska salva seguransa nian liliu kona-ba terorizmu nian. Ita bele utiliza Asu hodi bele horon evidensia ne’ebé ita nia lei bandu.” Dehan Komandante Unidade Espesiál Polísia (UEP), Damião Correia, ba jornalista sira iha UEP Bairro-Pité, Díli, Tersa (13/05).
Superior ne’e afirma, UEP instala Seksaun Sino tekniku ou K9 ne’e atu kombate ka antesipa Terorizmu no mos Droga sira ne’ebé tama iha teritoriu Timor-Leste.
“Tanba ne’e agora daudaun ita instala K9 nian no mos ita iha ona rekursu maibé ami presiza nia materiais liliu Asu ne’e tanba asu ne’e karun no nia atendimentu ne’e liu ema, karun tanba asu nia hahan ketak ema tenke hein, nia Doutor ida tenke haree no fo tratamentu saude ba nia no kada fulan 3 tenke cek up kada fulan 3 tenke halo vasina ba nia.”
Membru UEP na’in 3 ne’ebé tu’ir formasaun ba K9 fulan 8 iha Portugál agora remata ona mai iha UEP maibé Komandu UEP presiza kondisaun ne’ebé diak molok atu hola asu ne’e to’o mai presiza tebes nia fatin no edifisiu no mos instala bee no mos ninia hahan, presiza mos doutor ida atu kontrola nia saude.
“Bainhira ita sosa asu mai, tenke fo treinu lorloron atu nune’e nia bele detekta ou horon Droga, no mos ba osan falsu sira ne’e agora daudaun espalla iha nasaun barak inklui Timor-Leste tanba ne’e ita bele utiliza asu ne’e iha Aeroportu hodi bele detekta ba sasan kontra bandu sira ne’e.”
“Asu ne’e mos bele buska salvasaun, bainhira inundasaun rai hala’o bainhira hakohi ema ita bele utiliza K9 hodi bele identifika tanba ne’e mak agora daudaun rekursu iha ona no iha preparasaun maibé tanba ne’e mak instala Seksaun Sino tekniku K9 iha UEP. Hein ekipamentus iha atu nune’e sira hala’o sira nia funsaun.
“Ita presiza ba kompras asu iha Indonésia no Australia tanba asu Timor nia rasa ladun diak nune’e ita tenke ba kompras iha Nasaun seluk nia mai hodi hanorin lorloron atu nune’e asu bele adapta tanba ita nia rekursu iha ona maibé hein materiais sira para sira utiliza de’it.”
Jornalista : Chay Risky