Loluwari Média (Díli) – Diresaun Tránzitu Seguransa Rodoviária Nasionál (DTSRN) ho Diresaun Nasionál Transporte Terrestre (DNTT) hasai ona sirkular konjunta ba públiku hodi bandu labarik sira labele utiliza motór elétriku ho marka Scooter iha dalan públiku maibé so bele uza iha uma.
Diretór Tránzitu Seguransa Rodoviaria Nasionál (DTSRN) Superintendente -Xefe Polísia, Antonio Mauluta, hatete, PNTL ho DNTT alerta ona katak tuir artigu Leí tránzitu nian 120° bandu liu-liu kona-ba siklu motor labarik minoridade sira utiliza iha dalan públiku.
“Tanba asidente ne’ebé ita haree foin dadauk akontese liu ba ema nia truk alin oan ida iha nia Scooter nia halai ba tama iha kamioneta okos ida ne’e mak oras ne’e daudaun ita prevene” Dehan ba jornalista sira iha Edifisiu DNTT Balide Dili, kinta (26/02).
Bainhira labarik see mak atu lori motor eletriku (Scooter) tenke ho idade 16 mak bele konduz iha estrada públiku maibé tenke uza kapasete no iha karta kondusaun ho kategoria A1.
Tuir Komunikadu konjunta, bazeia ba nú. 3, artigu 120° dekretu lei nú. 6/2003 kódigu estrada, bele hetan lisensa atu lori siklu motór no motosiklu ema ho otas 16 anos mak bele konduz siklo motór iha estrada públiku.
Nia dehan, inan-aman hotu-hotu tenkeser iha responsabilidade ba oan sira labele fasilita lori motor Scooter sira ne’e ba halimar iha estrada públiku.
No atu uja Scooter tenke tuir regras DNTT nian ne’ebé tenke iha kapasidade utiliza iha karta kondusaun no trata dokumentus hanesan motor no mós tenke uja kapasete se lae bele hetan sansaun multa sira hanesan hotu transporte.
“Polísia tránzitu hetan prende (kedas),mais uja iha uma oin sira ne’e labuat ida,ha’u haree barak mak uja ba eskola ba oin koordenasaun loos hotu ona”dehan nia.
Tanba dadaun ne’e labarik ho minoridade barak mak kondus síklu motór elétriku scooter iha estrada públiku ne’ebé bele fó ameasa ba sira nia vida no mós perturba movimentasaun rodoviária nian
Iha sorin seluk Diretora Nasionál Transporte Terrestre (DNTT) Maria Antónia Vitór da Costa, reforsa, regras ne’ebé ekipa anunsia ona ba públiku tenke kumpri hodi bele evita dezastre.
“Ekipa konjunta mós sei foti tanba ami fó sai tiha ona, husu ba komunidade sira labarik sira minoridade labele kondus síklu motór (Scooter) iha estrada públiku.”dehan nia.
komunikandu konjunta kona-ba sirkular labarik minoridade utiliza motor, bainhira la kumpri regra mak DNTT hamutuk ho Polísia tránzitu halo atuasaun.
DNTT iha ona planu bazeia ba Dekretu Leí 64 kona-ba importasaun haree kona-ba Scooter sira ne’e depois bele implementa tenke motorista sira utiliza kapasete, karta kondusaun, no dokumentus..
“Ita sei prende hotu motor elektronika ka síklu motór Scooter ne’ebé labarik minoridade sira lori.”dehan nia.
Iha munisípiu seluk hanesan Kowalima no Atabae sei haree katak motor siklo sira ne’e barak mak iha munisípiu sira maibé agora dadaun ekipa sei halo atuasaun uluk iha kapitál Díli.
“Ita sei koordena ho polísia tránzitu ninian sei halo atuasaun to’o ba munisípiu sira”dehan nia.
Alende ne’e,DNTT ho PNTL mós sei kontrola motór roda ida de’it ne’ebé mós sai problema ba movimentu iha dalan públiku.
Tanb ne’e ba oin presiza haree Leí hodi regula mós ida ne’e, maibé agora ne’e regula uluk Scooter ne’e atu inan-aman sira labele fasilita oan sira lori Scooter to’o estrada boot.
Jornalista : Cesar Pires
Editór : Herminio Cardoso