Loluwari Média (Díli) – Domingu-Ramus dahikus kuarezma nian ne’ebé sarani katoliku selebra iha tempu paskua nia laran atu sarani sira hotu hanoin hikas molok Na’i Jesus Kristu nia terus to’o mate iha Kruz.
Tanba ne’e Amu Parókia Santo António Motael Pe.Guillermino da Silva iha nia Homilia Domingo Ramos hatete, Husi hosana ba iha Kruz maibé Na’i nia domin la hakiduk,sarani sira tenke hanoin hikas katak sarani fasil tebes atu muda maibé Maromak nia domin metin tebes atu hadomi ema hotu.
“Maluk sarani sira hotu mak Na’i hadomi,Domingu Ramus sempre lori ita tama kontra aspetu ida ne’ebé kroat tebes to’o halo ita hakfodak tanba ohin seremónia Ramus nian ne’ebé ema hotu haksolok, maibé iha liturgia ita hasoru loos historia ne’ebé terus no triste” Dehan Amu Parókia Santo António Motael Pe.Guillermino nia Homilia ba sarani sira iha Parókia Santo António Motael Díli, Domingo (29/03).
Amu Parókia Esplika, selebrasaun hahú Ai-tahan Oliveira nia liman iha portaun jeruzalen ema hananu Ain tuba hakat ba oin hosana di’ak tebes ida be mai hodi nai nia naran, simu Jesus hanesan Liu Rai.
“Maibé liu tiha momentu balun liturgia lori ita tama iha situasaun ida ne’ebé diferente tebe-tebes haksolok ne’e monu ba dalan terus hodi hananu hosana hahi nian hodi dehan hedi nia ba kruz”dehan nia.
Jesus tama iha Sidade Jeruzalen ho kuda buru fó sinál haraik aan tanba nia hatene terus hodi hateten katak iha Ai-sanak Oliveira ne’ebé buras no matak iha kruz nia kotuk siknifika ema hahi iha kotuk no iha traisaun ida ne’ebé moruk iha matan-been no iha Ai-tarak to Golgota maibé nia lao nafatin to’o iha Sidade Jeruzalen nia laran.
“Profeta Izaias dehan ha’u sei hamutuk ho ema sira ne’ebé hamutuk hodi baku ha’u, ha’u la subar ha’u nia moe ba lia aan no kaben tasak ha’u sei la halai husi terus no nia dehan Maromak sei simu ha’u, siknifika Jesus nia terus ne’e desizaun domin kruz mak salva ema hotu nia vida”
Na’i Jesus nia terus soke ema hotu nia laran tamba iha judas ne’ebé faa’n nia tan de’it osan mutin 30 ba saserdote sira no Pedru ne’ebé fiel ba Jesus ikus mai nia nega Jesus tanba ema barak ne’ebé fasil tebes atu hadomi Jesus maibé labele sai hanesan Judas hodi fa’an Jesus tan osan mutin.
Domingu-ramus hanesan aspetu ida ne’ebé atu haree ida-idak nia aan iha nakukun traisaun no violénsia nia laran maibé iha lalatak Kmanek ne’ebé nabilan iha Jesus nia fuan tanba nia la hatan violénsia hasoru violénsia maibé nia haraik aan liu tan ate mate iha kruz.
Jornalista : Cesar Pires
Editór : Herminio Cardoso