Loluwari Média (Covalima) – Prezidente Repúblika (PR) José Ramos Horta ninia domin no karidade la mihis ba nia povu ne’ebé moris ho kondisaun vulnerável ne’ebé presiza atu hetan tulun iha tempu kuarezma nia laran.
Defisiente, Olanda Maria de Jesus Ernestinha, nu’udar benesiáriu ida husi Munisípiu Kowalima Postu Administrativu Suai, Suku Kamenasa hela iha uma ne’ebé aat ho situasaun divórsiu ho nia laen iha tinan 2022.
Olanda tutur tuur mesak naha todan durante tinan haat ona ho nia oan sira ne’ebé nia laen husik sira mesak,sira iha ona na’in 5,feto na’in 2,mane na’in 3.
Nia sente kontente bainhira Prezidente Repúblika (PR), José Ramos Horta hatene nia kondisaun moris ne’ebé nia sofre durante ne’e.
“Tempu udan,udan tama (uma) maibé ha’u atu ba ne’ebé! tanba ha’u lao ladi’ak,ha’u nia oan nain 5 ne’e tuur hanoin de’it.” Olanda konta ba jornalista sira iha Sucu Kamenasa Suai, Sabadu (28/02).
Udan dala-ruma habokon sira iha tempu kalan bainhira isin presiza atu deskansa,tanba uma kakuluk kuak.
“Uuk ha’u nia kondisaun di’ak,ha’u moras ne’e mak sai struk hanesan ne’e, ne’ebé ha’u so bele tuur iha fatin hodi tein no fase ropa de’it maibé ha’u lao ba mai ladi’ak.”dehan nia.
Nia oan primeiru Evangelino de Jesus (13 ) hela ho nia aman iha Munisípiu Likisa,
Oan daruak Elixander de Jesus (11) ho Oan datoluk Claudino de Jesus (9) mak foin eskola Primaria,no na’in seluk Evalinha de Jesus ( 7 ) ho oan ikun Ernestinha de Jesus (5) seidauk eskola.
Iha Fatin hanesan Marselino Ernesto hanesan Maun bo’ot sente triste tanba nia feton terus liu ho nia oan sira iha tinan barak nia laran.
“Dala-ruma ha’u mak sempre sosa Fós hodi ajuda sira,Ohin ha’u sente kontente tanba durante ne’e laiha ema ida atu mai ajuda ha’u nia feton ho nia oan sira”dehan nia.
So úniku, Nia dehan,Prezidente Repúblika liu-husi Sosiédade Sivil Prezidensiál nian mak bele halo uma hodi lansa fatuk dahuluk ba konstrui mahon dignu ba nia feton ho nia oan sira.
Xefe Suku Kamenasa Fernando Noronha refosa,nia komunidade Olanda ho nia ona sira terus dunik bainhira ho nia laen fahe malu.
Tanba ne’e Autoridade Lokál esforsu hodi halo proposta ba Prezidente Repúblika (PR), José Ramos Horta konsege iha rejultadu hodi halo uma ba nia komunidade.
“Ohin ha’u hanesan aman ba ha’u nia komunidade ida ne’e ha’u sente kontente tanba Asesór Sosiédade Sivil Prezidensiál nian ho domin tomak ohin mai tau fatuk dahuluk atu konstrui uma ba ha’u nia komunidade ida ne’ebé merese atu hetan apoiu”dehan nia.
Ba oin,Autoridade Lokál sei la hakmatek sei esforsu maka’as atu nune’e nia komunidade husi Aldeia 4 ne’e bele hetan uma diknu husi PR.
“Durante ne’e ha’u sente triste tanba ha’u nia komunidade ida ne’e ho kondisaun Difiseinte ain no mós nia oan nain 4 ne’e sei kiik hotu entaun susar tebes ba sira”
Maibé ho grasa Maromak nian Autoridade Lokál esforsu maka’as, iha dunik rejultadu mak PR liu-husi Asesór Sosiédade Sivil husi Prezidensial ho ekipa tomak tau fatuk dahuluk hodi konstrui uma diknu ba nia komunidade.
Komandante Munisípiu Covalima Superintendente Assistente Polísia Inacio Amaral Agradese ba Prezidente Repúblika nia domin bo’ot ba komunidade husi Munisípiu Kovalima ne’ebé hetan uma dignu husi PR.
“Ha’u hanesan komandante Munisípiu Covalima ha’u prontu apoiu ha’u nia Ofisiál Polísia Sucu (OPS) no Autoridade Lokál atu bele kontrola konstrusaun ida ne’e”dehan nia.
Tanba ne’e husu ba komunidade liu-liu jovens foinsa’e sira hotu bele ajuda badaen sira hodi halo konstrusaun ida ne’e bele finaliza para bele entrega ba Olanda Maria de Jesus Ernestinha ho nia oan sira atu hela.
Asesór Servisu Apoiu Sosiédade Sivil (SASS), Quintiliano Moniz Carvalho Lori Prezidente Repúblika nia naran hodi lansa Fatuk dahuluk ba família vulnerável Olanda ho nia ona na’in haat.
Asesór ne’e hatete,Uma ne’ebé konstrui ho nia medida 6×7 kompleta ho keos no haris fatin ho orsamentu montante rihun$ 14 resin.
“Ohin ita hamutuk tau fatuk dahuluk ba ita nia inan ho nia oan sira ne’ebé sei kiik, uma ida ne’e ho durasaun fulan 3 tenke remata no ita sei entrega ba família vulnerável ida ne’e”.dehan nia.
Prezidente Repúblika apoiu Orsamentu tuir Proposta ne’ebé hato’o husi Autoridade Lokál Suku Kamenasa nian.
“Ha’u husu ba ita hotu-hotu nia Kontribuisaun atu harii mahon ida ba ita nia Inan ho nia oan sira ne’ebé durante imi hotu hatene no sente família ne’e nia moris lalika haree ba uma ne’e maibé domin ne’ebé ita nia Prezidente fó”dehan nia.
Jornalista : Cesar Pires
Editór : Herminio Cardoso