Loluwari Média (Gleno) – Konselleiru maximu Partidu Kmanek Haburas Unidade Nasionál Timor Oan (P.KHUNTO), José dos Santos “Naimori Bucar” husu Estrutura Emposadu sira prepara atu sai lideransa ne’ebé diak no sai servidor ba nasaun, Partidu KHUNTO fanu Partidu Politika hotu atu liberta povu kbi’it la’ek.
“Ha’u husu ba estrutura emposadu ne’ebé ohin simu pose fila-fali ba imi nia aldeia, suku, postu servisu makaas nune’e ita bele fo vitória ba Partidu KHUNTO tanba partidu KHUNTO la’os atu ukun maibé atu sai servidor ba nia povu atu nune’e ita nia povu bele sente moris ho dignu iha rai doben Timor-Leste.” Dehan Konselleiru Maximu Partidu Kmanek Haburas Unidade Nasionál Timor Oan (P.KHUNTO), José dos Santos “Naimori Bucar” ba jornalista sira iha Gleno, Sabadu (26/07).
Naimori hatete, Partidu KHUNTO mak ko’alia Unidade Nasionál tanba Unidade Nasionál mak Rona malu no fiar ba malu atu ema hotu bele moris ho hakmatek. Tanba halo politika lalika bosok povu tanba povu agora matenek.
“Maske ita nia povu han de’it Aifarina no fehuk maibe ita atu sai lideransa tenke respeita sira hanesan ita. Partidu KHUNTO liuhusi nia Prezidente Partidu Khunto Armada Berta dos Santos asume Ministra Solidaridade Sosial Inkluzaun (MSSI) halo Programa ida kada uma kain hetan $ 200, maibé ohin loron Partidu politika seluk ukun laiha ona. Se mak sala tanba imi Ermera oan mak fo votus. tanba ne’e mak ha’u husu ba oin lalika sala tan fo imi nia votus ba Partidu ne’ebé la fo benefisiu ba imi tanba imi nia estrada mos oras ne’e dadauk hakdas governu seidauk hadia ate agora.”
“KHUNTO nia luta atu sai servidor ba nia povu, tanba KHUNTO halo politika la’os tanba kargu, uniku partidu KHUNTO mak halo hanesan ne’e Partidu politika seluk hari’i Partidu atu sai ukun tanba sira nia matan naklosu ba osan so uniku Partidu KHUNTO mak ko’alia Unidade Nasionál no hadomi nia povu.
“Ha’u husu ba emposadu sira atu servisu makas, bainhira 2028 ita nia ema kandidata an ba Prezidente Repúblika mak KHUNTO, sei iha programa espesial ba Uma lisan iha territóriu Timor-Leste, tanba KHUNTO nia moto “Tane o Rain O Lisan o Emar” signifika atu servidor ba nia emar hafoin tane ita nia rai no hodi kuidadu ita nia lisan. Tanba Timor-Leste mak iha uma lisan sai identidade Kultura Timor nian.”
Partidu KHUNTO hatene hadomi no hatene serviba nia povu tanba aman sira nia politika hakarak sai ukun hodi hanehan nia povu. Maibé Partidu KHUNTO moris atu sai servidor no atu liberta nia povu.
Koordenador Partidu KHUNTO munisípiu Ermera, interinu, Sebastião de Deus, husu Emposadu sira ne’ebé re-eleitu ba ida-idak nia aldeia, suku no postu atu servisu makaas. Tanba oras to’o ona mai hamutuk ho Partidu Khunto atu hateke ba futuru ida ne’ebé diak liu.
“Ha’u husu ba kompatriota sira hotu mai ita servisu makaas atu fo vitória ba Partidu KHUNTO iha futuru oin mai tanba oras to’o ona mai ita hamutuk haree ba futuru ida ne’ebé diak liu tanba ohin ita hamutuk halo gerilla iha urbana atu nune’e ita lori vitória ba Partidu KHUNTO.”
Partidu Khunto moris iha 2011 bainhira Lider maximu partidu KHUNTO ho Prezidente Partidu Khunto mai iha Tokoluli iha meza leten han de’it aifarina ho aifarina KHUNTO hetan kadeira 5 tanba ne’e mak mai ita fo vitória ba Partidu KHUNTO. Tanba ne’e mai ita hamutuk hateke ba futuru ida diak liu no lori KHUNTO ba to’o Ramelau Tutun.
Munisípiu Ermera iha Koordenador Partidu KHUNTO postu na’in 6 no ohin reprezenta kada suku ida ema na’in 4 hodi reajusta estrutura Partidu KHUNTO iha munisípiu Ermera hamutuk 56 hodi hateke ba futuru ida ne’ebé diak liu.
Jornalista : Chay Risky