Loluwari Média (Lautém) – Vise prezidente komisaun organizadora (KO), kongressu nivel dioseze Baucau, Azito Boavida, husu, sarani hotu ho grupu kategoriais sira servisu hamutuk kolabora atende eventu durante loron tolu.
“Ha’u hanesan primeiru vise prezidente komisaun organizadora (KO), ami ne’ebé estabelese husi forum ne’e garante, ita bele simu duni responsabilidade ida ne’e. Preparasaun kongressu akolitus sira, mai husi forsa ne’ebé ita kontribui, primeiru komisaun ba sarani no akolitus ba grupu kategoria paroquia Lautem. Rua akolitus ho THS-THM no entidades hotu iha postu Lautem.
“Ami haree prontu duni kontribui, koopera ho igreja, ne’e duni kooperasaun husi entidade juventude no sarani sira. Grupu kategoria sira maka iha kooperasaun servisu fiziku ho material ne’ebé bele koopera no komunika diak liu ho KO husi forsa maka sira partisipa iha servisu ne’ebé maka iha. Fiziku forsa ba preparasaun balu mai ho kontribui material sira ne’ebé maka sira iha la sura maibé depende saida maka iha liman kontribui ba eventu ida ne’e liuhusi forma komisaun ne’ebé mak iha bele hetan para ita tau hamutuk.
“Ita bele halo kongressu ida ne’e nune’e mos balu iha finanseiru ne’ebé maka mai ho nia kontribuisaun vontade.” Dehan vise prezidente komisaun organizadora ba kongressu akolitus nivel Dioseze Baucau, ba dala 21, Azito Boavida, loluwari.tl, iha salaun paroquia Cristu Rei de Lautem, kuarta (23/07).
Vise prezidente komisaun organizadora ba eventu akolitus kongressu nivel Dioseze Baucau, ida ne’e husu sarani sira hamutuk grupu kategoriais sira servisu hamutuk.
“Uma na’in ne’e responsavel ida bo’ot teb-tebes, tanba ne’e komisaun ne’ebé hetan fiar, maibé husu nafatin ba ita hotu, sarani katolika iha paroquia Cristo Rei de Lautem, atu bele kontribui nune’e bele fo sussesu ba kongressu akolitus. Ida ne’e maka husi ita nia kontribuisaun servisu sira. Liliu alin juventude sira ba grupu kategoria hotu.
“Ita tenke kuidadu ita nia passu prepara ita nia mentalidade para depois ita manan dezafiu sira ne’ebé maka iha no tau hanoin diak hamutuk. Ita halo buat ne’ebé diak.
Tu’ir planu ne’ebé maka iha, ita bele atinji planu sira ne’e ho diak, tanba ne’e maka atu susses, ita nia hamutuk maka ita bele fo susses, maibé la’os apoiu ho liafuan de’it mais apoiu ho forsa material no finanseiru atu ita bele atinji no responde situasaun balu ba preparasaun no bele kompleta hein 31 Jullu ate 02 Agustu durante loron tolu.”
Komisaun Organizadora (KO), iha planu hodi prepara fatin akomodasaun no konsentrasaun ne’e hotu depois iha ne’e sei konsulta ho na’in ba serimonia ne’e rasik maka alin grupu akolitus sira para depois sira simu tau iha fatin ne’ebé preparadu no komunika ba parte seguransa sira atu bele asegura situasaun.
Tu’ir planu dioseze kada paroquia akolitus sei mai partisipa ema na’in 40, entaun ita haree katak dioseze Baucau nia paroquia hamutuk 24 paroquia kuaze paroquia 4 hamutuk 28 paroquia, partisipasaun kuaze 1.120 pessoas ne’ebé mak sei mai.
“Ita seidauk sura uma na’in aproxima 2.000 mak sei partisipa iha eventu ida ne’e. Ba finansa ne’e dioseze apoiu duni 2.000 dolar maibé husi komisaun mos haree kanal ne’e de’it la to’o tanba ema 2.000 pessoas, ita uza osan 2.000.00 $ ne’e labele atende ba loron tolu. Tanba ne’e komisaun halo desizaun ida katak kada paroquia mai ho sira nia kontribuisaun 100 dolar ba estasaun ne’ebé pertense iha paroquia Cristu Rei de Lautem ba kada estasaun sei hatama osan 35 $. No grupu kategoria sira sei mai ho apoiu tu’ir kbi’it ne’ebé iha.
“Ita bele tau finansas sira ne’e hamutuk responde situasaun loron tolu nian. Tu’ir planu hahu 30 Jullu ne’e husi do’ok ne’e ita simu ona maibé husi Natarbora nu’udar simu São Tarsicio ne’e sira konsulta antes katak disponivel loron 28-29 Jullu sira tama ona iha ne’e ba paroquia hotu-hotu disponivel. Kalan tama hotu tanba kongresu hahu 31.”
Alumni antigu akolitus paroquia Cristus Rei de Lautem, Doni dos Santos, hatete, preparasaun ba iha eventu enkontru annual nivel dioseze Baucau ba dala 21, paroquia Cristu Rei de Lautem, mak sai nu’udar uma na’in ba eventu ida ne’e preparasaun maximu.
“Ha’u hanesan alumi akolitus ba paroquia Cristo Rei de Lautem, nian preparasaun maximu, mais ou menuz pursentu 85 (85) ona ba iha preparasaun hodi atende ba atividade refere.”
Ho kuantidade rekursu humanu akolitus estasaun ne’ebé hamahan iha paroquia Cristo Rei de Lautem, no akolitus estasaun kolabora malu hala’o atividade ne’e, tu’ir programa.
Jornalista : Arnalo