Loluwari Media (Díli) – Komandu Jerál Polísia Nasionál Timor-Leste (PNTL), Komisariu Polisia, Henrique da Costa, hatete, momentu importante asina akordu nunee PNTL no KI kria relasaun servisu diak kona-ba publikasaun informasaun.
“Akordu ne’ebé ohin ita asina, la’os dehan buat foun ruma maibé, buat ne’ebé mak iha 2019, komandante jerál sesante, Komisáriu Polisia Faustino da Costa, hala’o ona asina ho prezidente konsellu imprensa sesante, Virgílio Guterres. Tanba akordu ne’e kaduka ona, entaun, liuhusi prezidente konsellu foun, komandante jerál foun, presiza haree hamutuk, depois halo fila-fali asina,”
Pontus importante sira iha ne’ebá, ita haree liliu kona-bá oinsá bele halo mós formasaun bá iha parte rua, tantu bá iha polisia nasionál Timor-Leste, atu nune’e, komprende didi’ak papél jornalízmu, ka média sira nian. iha parte ida seluk mós, kolega sira husi média, bele hatene mós kona-bá papél PNTL.
“Ha’u sente katak, parte rua ne’e importante hotu, ida, hala’o servisu seguransa ninian ida, mós hodi halo kobertura, nune’e passa informasaun bá públiku. Tanba públiku presiza iha informasaun ne’ebé mak, loos, atu nune’e, sira akompaña.”
La’os ida ne’e de’it, maibé iha mós buat balu ne’ebé mak presiza iha koordenasaun bá malu, nune’e, PNTL ho konsellu imprénsa, haree hamutuk, bele iha servisu hamutuk di’ak iha terrenu.
“Formasaun ne’e hamutuk de’it, ka formasaun keta-ketak, depende bá organiza iha terrenu, importante mak, instituisaun rua ne’e tenke iha formasaun. Bele halo hamutuk polisia ho kolega média sira, ou kolega média sira prepara iha fatin ruma, ita nian husi parte polisia bá aprezenta kona-bá papél polisia ninian, husi parte KI prepara fatin, depois, konvida polisia mai, para nune’e fó informasaun ruma kona-bá papél média nian.”
Komandante jerál PNTL ne’e rekuñese, durante ne’e mosu dezentendimentu entre polisia ho jornalista iha terenu, tanba membru PNTL balu mós seidauk komprende didi’ak média ninia servisu loos.
“Akordu ida ne’e, tuir mandatu ne’ebé ohin sita iha ne’ebá ne’e, tinan haat, no depois ida ne’e, sei haree fila-fali, para nune’e bele estende, ka oinsá, Ita nafatin respeita ida-idak nian kna’ar.”
Prezidente KI, Otelio Ote, orgullu ho eventu importante ne’e hodi hametin relasaun entre instituisaun rua.
“Existensia KI bazeia ba lei komunikasaun sosial numeru 5/2014 artigu 19 konversaun Direitus Humanus artigu 40 no 41 konstituisaun RDTL ne’ebé estabelese iha 2016 ate agora iha tinan 8 nia laran ita nia meius komunikasaun la’o buras tebes jornalista sira hala’o nia papel nu’udar prosesu dezenvolvimentu nasionál iha ita nia pais ida nee.”
Meius komunikasaun Sosial neebe existe iha KI hamutuk 57 jornalista ne’ebé atribui ona karta Profisional total hamutuk 400 ho numeru media no jornalista ida nee kontribui makas ona bazeia ba media konvensional nudar meius ida atu informa no kontrola.
“Natureza husi CI orgaun independente iha aspetu administrasaun n9 finanseiru no CI bazeia ba lei atu hametin ou tau importansia ba sidadaun sira atu asesu informasaun no tenke asegura katak Liberdade imprensa nudar liberdade opinaun tenke asegura katak jornalista sira halao nia kna’ar tuir padraun Kódigu etika Jornalista no CI meis komunikasaun diak ho Sosiedade Sivil no Instituisaun Estadu.”
KI tenke asegura servisu ne’ebé jornalista sira halao tenke bazea ba lei no ba protesaun liberdade imprensa no atu haburas demokrasia no instituisaun PNTL iha meius komunikasaun hodi asegura papél média no asegura liberdade Impresa iha TL. Meius komunikasaun Sosial kona-ba pratika jornalistika oinsa PNTL atu atua kazu ne’ebé relasiona ho produtu jornalistiku nian.
Sekretáriu Estadu komunikasaun Sosial (SECOMS), Expidito Loro Dias Ximenes, hatete, objetivu prinsipál iha nota entendimentu atu hametin liberdade imprensa no liberdade espresaun entre KI ho Instituisaun PNTL sai hanesan parseiru estratejiku.
“PNTL hanesan orgaun ne’ebé halo tu’ir orden seguransa iha publiku, maibe Media orgaun ida ne’ebé independente nomos regulador ba iha produtu jornalistiku iha ita nia rai doben TL.”
Liberdade imprensa no liberdade espresaun nia papel pontu haat importante mak Informa, Eduka, Diverte nomos halo kontrolu sosial.
Jornalista : Chay Risky
Editór : Ilima’a