Loluwari Média (Díli) – Sekretariu Estadu Arte no Kultura (SEAK), Jorge Soares Cristovão, hatete, delegasaun komisaun tekniku apoiu (CTA), observa jogu Comunidade Países da língua portuguesa (CPLP) ne’ebé hahu husi rezolusaun governu, iha komitmentu apoiu jogu CPLP ne’ebé Timor-Leste sai uma na’in.
“Delegasaun dahuluk CTA mai observa ita nia preparasaun ba jogu CPLP, ohin ami halo aprezentasaun hahú kedas husi rezolusaun governu ne’ebé mak hatudu governu iha komitmentu atu apoiu eventu jogu CPLP ne’ebé mak Timor nu’udar uma na’in ba jogu ida ne’e.”
Nia hatete, eventu jogu CPLP loloos hahú iha 2020, no Timor-Leste mak sai uma na’in, maibé la konsege tanba impaktu husi Covid-19, nune’e iha 2025, hahu hala’o jogu CPLP ne’e.
“Tu’ir loloos ita selebra ona jogu ne’e, Timor-Leste nu’udar uma na’in maibé ita hasoru festa mundiál Covid-19, tanba ne’e mak ita la konsege realiza, maibé tinan ne’e ita mak sai uma nain.”
Iha sorumutu ne’e diskute kona-ba preparasaun tekniku no preparasaun kordenasaun ba federasaun no preparasaun ba infra-estrutura ba kampu.
“Ita nia sorumutu ida ohin ne’e sira haree atu ita nia preparasaun ba tekniku atu ita nia preparasaun no kordenasaun ho ita nia federasaun sira nia preparasaun, liliu ba infra-estrutura kampu, ne’e mak ohin ami diskute sira mós hato’o rekomendasaun. CTA prontu apoiu formasaun rekursu ba tekniku sira atu apoiu tekniku sira.”
Koordenador Desportu (CPLP), Jorge Carvalho, afirma, prontu apoiu modalidade sagres, tanba presiza hodi utiliza material elektroniku konta ba atleta sira nian.
“Ohin mós iha introdusaun hodi professor doutor, Jorge, hatete sekretariadu CPLP mós prontu atu apoiu ita nia modalidade atletizmu, modalidade sagres, tanba ita presiza utiliza material elektronika ba konta atleta sira nian, tanba ne’e mak presiza sira mós prontu apoiu. Ohin ami halo diskusaun uitoan apresenta ita nia matéria ne’ebé mak durante ne’e ita prepara husi liñas ministerial hotu.”
Delegasaun husi atleta ne’ebé partisipa iha eventu jogu CPLP hamutuk 800 hodi partisipa iha jogu CPLP.
Koordenador desportu CPLP, Jorge Carvalho, hatete, Timor-Leste sei sai uma na’in ba jogu CPLP no membru CPLP 800 mak sei partisipa iha jogu CPLP.
“Jogu CPLP ida ne’e Timor-Leste sai uma na’in hodi kontribui no atu dezenvolve desportu TL, liliu Desportu iha baze no mos ba labarik sira nia talentu iha eskola, tanba TL internasionálmente kumpri hodi realiza jogu CPLP.”
“TL sai sub-rejiaun no rejiaun to’o eventu seluk no mos ba turizmu maibé tenke organiza husi membru CPLP no tenke prepara juventude sira fo formasaun ba area Desportu iha baze no tenke hadia ba jogu CPLP.”
Jornalista : Maureshy