Loluwari Media (Dili) – Kopa taxa Avó Nana Nakfilak Ba kopa Timorense ho nia objetivu kompetisaun ba de’it klubu sira ne’ebe iha kada Munisípiu maibé foti de’it klubu ida ne’ebe mak kualifikadu no kualidade.
“Agora dadauk backround ba kopa ne’e nafatin kopa Avo Nana maibé kopa ne’e nakfilak ona ba iha kopa Timorense, objetivu nia kompetisaun ba de’it reprezenta kada klubu ida de’it husi Munisipiu” Dehan presidente komisaun Copa Timorense, Feliciano Perpeitua Ximenes ba jornalista sira iha salaun Caffe Letefoho Pantai Kelapa Kuarta (18/03).
Munisípiu reprezenta klubu ida tanba tempu badak komisaun sei distribui konvite ba Autoridade Munisipál sira hodi bele koordena ho asosiasaun desportu sira ho klube ne’ebé sempre sai vensedór no legál ona husi Notariadu.
Tanba ne’e husu ba presidente autoridade Munisipiu sira atu haree klubu ne’ebé mak iha kualidade nune’e sai Fundadór ba Copa refere.
“Tanba estatutu ne’ebe agora ami prepara dadauk klubu ne’ebé mak rejistu primeiru ou rejistrasaun primeiru kompete iha taxa ida ne’e klubu ne’e se sai fundador ba iha kopa ida ne’e”dehan nia.
Nia haktuir,kona-ba jogador sira tau de’it prioridade ba jogador Munisipál no jogadór lokál sira tanba selesaun Nasionál rasik jogadór foun sira ne’ebé iha liga 1 no liga 2 sira ne’e maioria foti husi jogador Taxa Avo Nana nian.
Nia dehan,sei tau prioridade liu mak jogadór Munisipál sira jogadór lokál tanba liga ho selesaun Nasionál rasik agora dadauk jogadór sira foun enkaisa iha selesaun Nasionál.
“Tanba ita presiza klubu 16 mak atu sai Fundadór ba iha kopa Timorense ida ne’e”dehan nia.
Taxa ida ne’e agora dadauk preparasaun hela no sei realiza iha tempu badak tarde liu iha dia 2 de Maiu ou nia bele realiza iha dia 25 ou dia 20 de april agora fulan Abril.
Tanba ne’e sei halo audensia ho presidente federasaun futebol timor-leste atu fó tempu hodi loke jogu abertura iha estadium molok ba joga iha Munisípiu.
“Agora Copa Timorense ne’e ami hakarak lori futebol ba iha baze mais ami esforsu katak abertura sei iha Dili”dehan nia.
Jornalista : Alberto Pires
Editor : Herminio Cardoso