Loluwari Média (Díli) – Institutu Nasionál Seguransa Sosiál (INSS) kontinua partilla informasaun kona-ba rezolusaun governu nian ne’ebé ko’a saláriu funsionáriu ajente administrasaun públiku estadu no setór privadu nian ba iha seguransa sosiál.
Xefe gabinete INSS no FRSS, Zeca Friado Afoli Coa hamutuk ho ekipa partilla informasaun kona-ba rezolusaun governu numeru 56/2024, 30 de Outubro ba funsionario sira iha Ministeriu Juventude Desportu Arte No Cultura (MJDAC).
“Simulasaun badak ne’ebé mak ekipa INSS, halo ligadu ho rezoluasaun governu numeru 56/2024, 30 de Outubro, ida ne’e fó responsabilidade ba INSS oinsa atu halo inskrisaun obrigatóriu ba uza modulu kontribuisaun prense ba deklarasaun remunerasaun ba funsionariu hotu-hotu”dehan nia jornalista sira iha salaun MJDAC Lecidere, Kuarta (08/04).
Nia dehan,Pontu esensiais ne’e mak atu hafasil funsionarius hotu-hotu no rekursu umanu husi Ministériu MJDAC atu bele hatene tuir sira nia kareira iha termu seguransa sosiál hanesan kareira kontribuisaun 4% ne’ebé mak kada fulan ko’a ba iha seguransa sosiál.
Tanba rezolusaun ne’ebé mak xefe governu fó ba INSS atu impmenta mak primeiru hahú husi gabinete prezidénsia da republika, gabinete presidensia parlamentu Nasionál, gabinete primeiru ministru rasik, gabinete presidensia tribunal de rekursu.
No hafoin ida ne’e INSS kontinua ha iha vise primeiru ministru I no vise primeiru ministru II tuir ierarkia ne’ebé iha hafoin ha kada Ministériu sira hotu tantu IP no EP sira inklui setór privadu sira.
Tuir nia, funsionariu hotu-hotu tantu permanente ka kontratadu iha obrigatoriu atu ko’a nia salariu tanba kada fulan sira hetan salariu.
“Seguransa sosial ne’e obrigatoriu tenke submete tanba husi seguransa sosiál la haree ba nia ne’e permanente ka kontratadu ne’e mensalmente nia hetan salariu, ne’ebé ko’a nia salariu automatikamente”dehan nia.
Iha fatin hanesan, Inspetór Jerál MJDAC, João dos Santos informa, funsionariu permanente ne’ebé iha MJDAC hamutuk 100 liu mak sei ko’a saláriu ba iha seguransa sosiál.
“Agora ita nia totál ida ne’ebe asesu ba iha INSS nian 100 itál ne’e ba iha funsionario permanente sira ne’ebe mak iha, ba kolega sira ne’ebé maka foin tama mai kontratu hanesan agente administrasaun públiku, kazuais sira ne’e agora maka foin rejista ne’ebe sedauk tama hotu”dehan nia.
Maibé, Nia dehan, rekursu umanus rejista bazeia ba lista hafoin submete ba iha INSS tanba funsionario barak mak seidauk hetan kartaun Nis INSS nian.
“Barak maka sedauk hetan kartaun Nis, sira ne’e sedauk hetan tanba sei prosesu hela, alista tiha hotu mais funsionáriu permanente kuaze maioria hetan ona kartaun no hetan ona numeru Nis ne’e, so ke seidauk bele hatene lolos sira nian kontribuisaun tanba plataforma MOBILE UP ne’e sira sedauk bele asesu”dehan nia.
Jornalista Estajiada : Dulce Magalhães.
Editor : Herminio Cardoso