Loluwari Média (Díli) – Primeiru Ministru (PM), Kay Rala Xanana Gusmão, hatete, agora daudaun viral ona katak Atambua sai hanesan Kabupaten maibé transfere pasiente ba Bali no Siluan Jakarta bele maibé kada tinan governu sempre aloka orsamentu $ 18 milhoes.
“Sim ha’u rekuñese Timor-Leste moe tanba ba Atambua ema hotu hakarak ba Singapore para Governu kada tinan tenke lakon osan $ 18 milhoes nusa ha’u la fo ba imi para imi riku de’it ona tanba ne’e mak ema hotu ko’alia dehan iha nonu governu mak estraga buat hotu tanba ne’e ita tenke akompana Prezidente Indonésia nia problema interna nian lai.” Dehan Primeiru Ministru (PM), Kay Rala Xanana Gusmão, ba jornalista sira iha Palásiu Prezidensiál, Nicolau Lobato Bairro-Pité, Dili, kinta (13/03).
Tanba ba fali Atambua ema hotu-hotu preokupa tanba ne’e Kabupaten ha’u husu ba imi problema ne’e ita atu salva ema nia vida ka imi hakarak kada tinan ita nia governu gasta 18 milhoes ba Singapore ne’e la’os uitoan.
Xefe governu hatete ohin loron ema hotu preokupa Kabupaten Atambua maibé la preokupa ema nia kondisaun saúde kada tinan governu aloka orsamentu 18 milhoes mak diak maibé lori pasiente ho kareta ba Atambua ne’e moe bo’ot.
“Karik iha Atambua besik kedas iha ita nia sorin ne’ebé ema hotu preokupa Kabupaten Timor Kupang problema ne’e ita ba salva ema nia vida ka tan dignidade ita nia governu kada tinan gasta 18 milhoes ne’e mak diak.” PM duvida.
Karik mak fasilidade diak kura buat ruma ne’ebé Timor-Leste seidauk bele nusa la ba Atambua de’it tanba pasiente transfere ho kareta de’it tanba laos atu haruka ba hotu iha ne’eba ne’ebé balu dehan moe atu mate tanba sa pasiente ba fali Atambua. PM haktu’ir.
“Laos atu transfere, ha’u nunka ko’alia buat sira ne’e maibé ha’u husu ba Ministra Saúde atu ba Atambua hodi haree kondisaun hospital iha Atambua nian, karik iha moras ruma ne’ebé ita presiza mak haruka ba, la’os atu haruka ba hotu no taka tiha hospital Nasionál Guido Valadares Dili.”
Jornalista : Chay Risky