Loluwari Média (Díli) – Institutu Nasionál Kombate HIV-SIDA (INCSIDA) realiza semináriu sensibilizasaun ba estudante sira husi Departamentu Enfermagem,Fakuldade Medisina no Siénsia Saúde Universidade Nasionál Timor-Lorosa’e (UNTL).
Presidente Instituto Nasional INCSIDA Daniel Marçal hatete,INCSIDA kontinua esforsu makaas hodi sensibiliza informasaun ba komunidade no estudante sira atu bele evita númeru HIV-SIDA.
“Estudante sira bele atinji sira nian objetivu sira nia mehi Saúde tenki di’ak, livre husi HIV-SIDA, ita servisu makaas ne’e iha buat rua ne’e, primeiro atu hasa’e ema nia konsensia hodi muda atitude sira ne’ebe risku atu labele kona HIV, segundu mak ita tenki esforsu makaas oinsa mak lori ema atu ba teste ran” Dehan ba jornalista sira iha salaun INCSIDA Bebonuk, segunda (13/04).
Nia informq,Timor-oan barak mak kona moras HIV maibé lakohi ba teste ran, tanba ne’e husu ba sira ne’ebé hetan ona moras HIV atu ba teste ran atu doutór sira bele fó tratamentu.
Tanba barak mak kona ona HIV la ba tes ran lahatene sira nia estatutu saúde ka HIV ne’e mak perigojus tanba ne’e ema mate laos HIV ema mate tamba AIDS-SIDA.
“mais agora ita nia governu prepara hela ai-moruk HRV ba sese de’it mak kona HIV nia tenki halo tratamentu atu nia bele mantein nia saúde iha parte HIV, nia bele moris naruk nia bele halo atividades, nia bele kontribui ba nasaun ida ne’e”dehan nia.
Tanba ne’e, husu ba estudante sira atu kontribui nune’e bele moris ho di’ak saudavel hamutuk ho familia sira atu bele livre husi moras HIV-SIDA tanba moras ida ne’e perigozu ba ema nia vida.
Dekanu Estudantil profesór FMCS Acasio de Jesus hatete, aktividade sensibilizasaun informasaun HIV-SIDA ba estudante sira atu bele iha koñesimentu kle’an kona-ba HIV-SIDA.
“Ita konsidera HIV-SIDA hanesan problema boot iha área saúde iha Timor-Leste tanba númeru kazu sa’e beibeik kada tinan. Maioria kazu foun ne’e afeta foin-sa’e sira, inklui estudante, ne’ebé fasil monu ba risku husi ransu livre tanba falta informasaun”dehan nia.
Tanba ne’e liu-husi semináriu ne’e, hein katak estudante sira la’os de’it hatene oinsá atu proteje aan, maibé bele sai mós nu’udar promotór saúde iha sira-nia komunidade laran.
“Sira sei sai ajente ne’ebé fahe fali informasaun ba komunidade no família sira, ida ne’e ajuda governu, liu-liu ministériu saúde, atu halo prevensaun hodi hamenus ka hapara númeru HIV-SIDA iha ita-nia rain”dehan nia.
Jornalista Estajiáriu : Quintão dos Santos Tilman/ Dulce Magalhães
Editór : Herminio Cardoso