Loluwari Média (Díli) –Ministériu Saúde liu-husi Servisu Nasionál Ambulánsia Emerjénsia no Médikamentu sei prepara profisionál saúde hodi fó asisténsia saúde médiku durante iha eventu Marathon Internasionál ne’ebé sei realiza iha Fulan Agostu tinan ne’e.
Médiku sira ne’ebé MS prepara hamutuk na’in 50 ne’ebé kompostu husi doutór espesialista,médiku jerál, infermeiru no apoiu voluntáriu sira husi Cruz Vermello Timor-Leste.
Tanba ne’e,Diretór Servisu Nasionál Ambulánsia Emerjénsia no Médikamentu Simplicio Amaral hatete,MS kolabora hamutuk ho Organizasaun Saúde Mudiál iha Timor-Leste no hetan apoiu finaseiru husi KOICA halo ona preparasaun ba eventu Marathon Internasionál.
“objetivu husi ita nia Worhsop ne’e mak ita boot sira hatene katak Dili Internasionál Marotona ne’ebé organiza husi Presidente Repúblika Timor-Leste, tanba ne’e mak papél Ministériu Saúde nian mak, atu asegura husi dia primeiru to’o loron ikus,” dehan Simplicio Amaral ba Jornalista sira iha Suai Room, TP Kinta(16/05).
Tuir Nia,MS mós prepara profisionál saúde sira no mós postu saúde sira hahú husi Kristu Rei to’o iha Palásiu Prezidente Repúblika.
“Ita mós prepara ho profisionál saúde sira komesa husi, estatua ain to’o iha finisih line, ita nia postu médiku ne’ebé mak atu monta iha fatin ne’ebé mak indikadór ne’e hamutuk Posto médiku 8″dehan nia
Husi totál pessoál saúde ne’ebé mak destaka iha ne’ebá kompostu husi doutór espesialista, médiku jerál, infermeiru ho parseiru sira hanesan voluntáriu husi CVTL entaun hamutuk 50.
Nia informa,kada postu médiku ne’e koloka pesoál na’in lima, no fiel ospitál ne’ebé mak atu instala besik iha iha Palásiu Presidente ne’e sei destaka profisionál saúde hamutuk 15.
Kona-ba ba karreta ambulánsia, Servisu Nasionál Ambulánsia Emerjénsia no Médikamentu hamutuk neen ba fatin sira ne’ebé mak idetifika maibé iha mós ambulansia ida sei akompaña Atleta hodi halo monitoriza ba sira.
“Ambulansia ne’e ita destaka neen, rua sei iha Palásiu Presidente ka Fiel ospitál, no ida ita monta iha rotunda BJ Habibie, ida fali iha JL World, ida fali iha Kristu Rei nian okos”dehan nia.
Iha fatin hanesan Xefe Saúde Progama Emerjénsia husi OMS iha TL Jhon Prawira sente kontente tebes atu simu parseiru sira hotu hodi halo preparasaun ba eventu ne’e.
“Hanesan ita hatene, iha semana tolu de’it nia laran, Timor-Leste sei sai nu’udar uma-na’in ba Expozisaun Marathon Internasional Dili,tuir mai Marathon Internasional Dili rasik”dehan nia.
Nia dehan hafoin Timor-Leste sai adezaun nu’udar membru pleno ASEAN,bele hein katak eventu internasionál barak liutan sei organiza iha TL iha tinan hirak oin mai.
“Ida ne’e nu’udar realizasaun no oportunidade importante ida ba Timor-Leste, hodi lori benefísiu sosiál, kulturál no ekonómiku ne’ebé signifikante”dehan nia.
Entretantu partisipa husi Worsop ne’e mak husi liña ministerias sira no mós parseiru sira hanesan Kruz Vermello Timor-Leste no seluk tan.
Jornalista : Ercia Freitas
Editór : Herminio Cardoso