Loluwari Média (Díli) – Universidade da Paz nia estudante sira mairoia seidauk komprende saida mak moras HIV-SIDA ne’ebé afeta ba ema nia vida.
Estudante UNPAZ Novelia Cardoso Pereira, agredese tanba INCSIDA bele partilla informasaun sira ne’e ba estudante sira hodi bele evita moras duke kura.
“Ami agradese ba instituto husi ministeriu saúde Ami agradese tebes tanba iha Universidade da Paz ami mós presija tebes atu rona informasun hanesan instituto sira ohin fahe mai ami no ami estudante barak mak sedauk komprende kona-ba moras HIV-SIDA”dehan nia ba jornalista sira iha salaun Jose Casimiro Unpaz, tersa (14/04).
Nia dehan, husi INCSIDA halo sensibilizasaun parte ida atu estudante sira prevene husi virus ne’e tanba futuru nasaun nia iha joven sira nia liman maibé tenke rona informasaun sira ne’ebé INCSIDA partilla.
Presidente INCSIDA.Ip Daniel Marçal, husu atu estudante sira bele hakbesik aan ba sentru saúde ne’ebé besik hodi bele halo teste ran.
“Sensibilizasaun ne’e imi (Jornalista) haree ita ba fatin-fatin nia objetivu ida importante mak ne’e agora ita hakarak buka esforsu hodi konvensaun ema atu ba koko ran lalais”dehan nia.
Husi teste ran,Nia haktuir,mak atu labele fó tempu ba HIV ne’e atu hela kleur iha ema nia nia isin,tanba bainhira HIV ne’e hela kleur iha isin ne’e posibilidade bo’ot bele fila aan ba AIDS ne’e hein mate ona.
Tanba ne’e INCSIDA husu sidadaun hotu-hotu atu labele moe hodi ba teste ran atu bele hatene lolos iha ka lae moras HIV-SIDA iha isin atu evita hadaet ba ema no sosiedade.
“Ne’e mak ha’u apelu ba ema hotu-hotu lalika tauk no lalika moe karik hakarak moris naruk no saúde di’ak moris ho HIV ba mas labele husik nakfilak ba AIDS”dehan nia.
Jornalista Estajiariu : Quintão dos Santos Tilman/ Dulce Magalhães
Editór : Herminio Cardoso