Loluwari Média (Dili) – Prezidente Repúblika (PR), Jose Ramos-Horta, ofisialmente sei fo posse ba Prezidente Tribunal Rekursu foun bazeia ba Dekretu Prezidensial numeru 35/25 Abril tinan ne’e iha Palasiu Prezidensial Nicolau Lobato, Bairo-Pite, Dili tuku 4 lokraik.
“Ha’u sei fo posse ba Prezidente Tribunal Rekursu, Juiz Afonso Carmona, bazeia ba Dekretu Prezidensial ho numeru 35/25 Abril tinan ne’e.” Dehan Prezidente Repúblika (PR), Jose Ramos-Horta, ba jornalista sira iha Palasiu Prezidensial Nicolau Lobato, Bairro-Pité, Dili, Tersa (29/04).
PR hatete, Bazeia ba mandatu Konstitusional PR nian tanba konstituisaun hatete, Prezidente mak nomeia, Prezidente Supremu Tribunal iha tinan hira nia laran seidauk iha Tribunal Supremu. Tanba ne’e Tribunal Rekursu mak servisu pertense ba Tribunal Supremu nu’udar Tribunal ultima Instansia.
“Bainhira logikamente hahu iha 2002, PR mak nomeia no fo pose ba PTR no mos PGR maibé balu tenta muda realidade ida ne’e muda Prezidente sira hotu tanba ne’e iha 2002, 2007, 2012, 2017 no 2022 mak derepente ema balu muda fali lei ne’e hodi hatete no hasai poder ne’ebé iha konstituisaun fo poder ba PR atu nomeia.”
Tanba ne’e mak Parlamentu Nasional (PN) maioria mak vota fila-fali lei ida atu klarifika kompetensia PR.
“Tanba ne’e mak ha’u husu ba governu atu rona sira nia opiniaun ba Tribunal Rekursu no Prokurador Jeral ha’u iha ona Figura importante mak Juis Afonso Carmona PTR foun ba mandatu tinan 4.”
Jornalista : Chay Risky