Loluwari Média (Díli) – Timor-Leste promove servisu inkluzivu ne’ebé feto sira mós iha direitu atu ba servisu iha Nasaun Austrália hodi bele sustenta sira nia moris.
Sekretáriu Estadu formasaun Profesional Empregu (SEFOPE), Rogério Araújo Mendonça hatete,TL priense igualdade jéneru Primeiru lugar iha Ázia Pasífiku 10 tanba Feto nia investimentu ba programa Palm ne’e TL haruka Feto partisipa ba servisu iha Rai-liur Primeiru lugar.
“Ohin ita nia traballador Timor oan hamutuk 135 ne’ebé sei ba servisu iha Australia no kompañia sanulu (10) ne’ebé sei simu sira,kada kompañia simu ita nia traballador 20 no balun 10 deit.” Dehan Sekretáriu Estadu formasaun Profesional Empregu (SEFOPE), Rogério Araújo Mendonça ba jornalista sira iha Hotel Spring Palma Fatuhada Díli, kuarta (08/07).
Nia dehan,Traballador Timor oan ba servisu iha Australia hahu iha 2012 too mai ohin loron Total traballador Timor oan hamutuk 25.366 Pesoás.
Governante ne’e sente kontente no previlegiu tanba durante nia mandatu tinan tolu ona foin dahuluk Prezidente Repúblika mai hamutuk ho ita iha ne’e hodi akompaña programa mobilidade laboral ba Australia nian.”
SEFOPE husu ba traballador sira hotu atu atu bele servisu tuir lei no Estadu Australia nian ne’ebé sei fó protesaun ba Traballadór nia direitu ida-idak nian.
“Ha’u husu ba traballador sira atu servisu ho profissionál atu aumenta imi nia abilidade atu responde ba imi nia nesesidade tanba Timor-Leste mós iha lei traballador”
Signifika,Nia haktuir,iha nasaun Australia mós iha lei traballadór nian atu bele regula Traballadór sira tanba ne’e traballadór Timoroan sira ba servisu iha Australia sei selu tuir kontratu ne’ebé iha.
Reprezentante Embaixadóra Australia iha Timor-Leste, Caitlin Wilson hetan previlegiu ba Embaixadór Australia tanba bele partisipa seremónia importante ne’ebé sai signifikante ba traballadór Timor oan sira atu ba servisu iha Australia no mós ba sira nia família ne’ebé apoiu sira.
“Traballadór Timoroan nia viajen ba Australia ne’e sai konkista no prosesu signifikativu tanba imi nia susesu refleta bazeia ba imi nia servisu rasik Ha’u husu ba imi nafatin Rejilensia sai reprezenta Timor-Leste iha rai liur.”
Nia dehan,traballadór sira tenke orgullu tanba Australia Valoriza tebes Australia nia parseiru ho Timor-Leste sai hanesan ezemplu d’iak tanba ne’e traballadór sira tenke hatudu disiplina no étika forte ba nasaun ne’ebé servisu ba.
Tanba Australia nafatin nakloke ba traballadór Timor oan sira rihun ba rihun tanba Austrália nafatin orgullu atu servisu hamutuk ho TL atu loke dalan foun ba Timoroan ne’ebé atu sai mós bukae ida ba traballadór sira atu bele mai implementa iha Timor-Leste.
Traballador Timor oan nia susesu ba família no ba dezenvolvimentu timor nian traballadór Timor ohin iha ne’e sei aranka ba Australia imi nia Kontribuisaun ne’e importante tebes.
“Ita nia relasaun ne’e importante tebes tanba Australia iha nafatin kompromisu atu servisu hamutuk ho Timor-Leste hodi apoia moris Ki’ak iha Timor-Leste”dehan nia.
Prezidente Repúblika (PR), José Ramos Horta husu ba traballadór sira hotu-hotu ne’ebé halo despedida ho família atu servisu ho profissionál iha Ema nia rai.
“Ha’u fó parabéns ba SEFOPE tanba programa ne’e di’ak tebes tanba fasilita Timor-oan rihun 25 ho balun ba servisu iha Australia no ha’u husu ba traballadór sira hotu-hotu atu servisu ho profissional hodi ajuda imi nia família”
Tanba Imi nia servisu todan imi sakrifísiu maibé ho imi nia pasensia hodi hamoin imi nia família nia moris imi tente sakrifika imi nia an husi imi nia rain ba servisu iha ema nia rain no imi nia Kontribuisaun makas ba Timor-Leste nia Ekonómia iha rai laran.
Jornalista : Cesar Pires
Editór : Herminio Cardoso