Loluwari Média (Díli) – Reprezentante Santa-Se iha Timor-Leste, Marco Sprizzi, sentidu pastoral reprezenta Papa, Francisco, Professor kontratadu sira kontinua hala’o sira nia manifestasaun hodi hato’o sira nia problema ba Ministeriu Edukasaun (ME), nu’udar Embaxador Vatikanu Santa-Se la interven desizaun husi governu maibé nu’udar umanu Santa-Se sente triste bainhira problema Professores seidauk rezolve.
“Ami hanesan Embaxador Santa-Se respeita desizaun husi governu, no ha’u reprezenta Amu Papa, ha’u enkoraza nafatin imi eis Professores sira hotu, tanba governu Timor-Leste maioria religiaun katolika, iha vontade atu buka solusaun liliu ME no mos nu’udar katolika inklui Primeiru Ministru (PM) mos nu’udar katolika no sarani oan, nune’e ha’u enkoraza PM ho ME atu buka solusaun ba problema professores sira nian nu’udar sentidu ita ema umanu.” Dehan Reprezentante Santa-Se, Marco Sprizzi ba jornalista sira, iha Embaxada Santa-Se Motael, Dili, kuarta (31/07).
Sprizzi husu, xefe governu no Ministra Edukasaun atu hatudu sira nia seriedade nu’udar sarani katolika atu buka solusaun ba problema professores kontratadu sira nian. Nu’udar sentidu umanu no sentidu justisa no respeita ba lei hodi mellora kualidade ensinu iha Timor-Leste.
“Ita hotu hamutuk hodi esforsu lor-loron ba tarefas eis Professores kontratadu sira nia problema, ha’u husu ba Igreja no governu halo lalais trata direitu labarik no jovens sira atu nune’e Ensinu Baziku, Ensinu Pre-Sekundaria no Ensinu Sekundaria ne’ebé ohin loron Padre Lokateli ne’ebé kuñesidu iha Timor-Leste, nune’e PM no ME atu normaliza problema eis Professores kontratadu sira.”
“Sinal atensaun ba igreja atu toma atensaun ba povu atu preokupa ba preokupasaun eis Professores kontratadu sira nia problema, tanba ha’u kuñese PM no ME tanba preokupasaun sira nian ne’e prioridades ba kualidade Ensinu ho nune’e ME atu buka dalan dialogu ho eis Professores kontratadu sira atu buka problema nia solusaun.”
Bibi atan ne’e husu lider sira labele uza politika no juridika, tanba ne’e la’os tarefas, lori Santo Padre, Francisco, nia naran, husu ba PM no ME atu hamutuk buka solusaun atu konsidera aspetu ba direitus umanus ba umanu no Justisa ne’ebé la’o lalais iha nivel edukasaun atu rezolve situasun ne’ebé eis Professores kontratadu sira hasoru.”
“Ha’u enkoraza PM no ME atu respeita lei hodi estuda muitu bem ajuda jurista ho ita bo’ot nia pozisaun hodi rejolusaun ba Parlamentu Nasional (PN) hodi buka nia solusaun, tanba seidauk iha konflitu no ita la espera iha violensia, maibé ita hotu enkoraza atu buka solusaun ba interese ba povu TL. Liliu ba jovens sira, tanba ita nia data Amu Papa Francisco nian fo sai ona nune’e ita hotu tuur hakmatek halo orasaun ba ita nia Santo Padre Francisco.”
“Ha’u sei enkontru ho governu relasiona ho ME atu ko’alia kona-ba direitu eis Professores kontratadu sira nian, atu halo dialogu hodi buka solusaun ne’ebé justu, tanba ne’e nu’udar reprezentante Santa-Se, ha’u husu ba ME ema respeita tau nia kompetensia ho ita nia espiritu ne’ebé atu buka solusaun ba ita umanu.”
Husi sorin seluk Portavós eis professores kontratadu, Agustinho Pinto, afirma, professores kontratadu sira mai hasoru Reprezentante Santa-Se atu hato’o sira nia preokupasaun no problema ne’ebé sira infrenta durante ne’e.
“Ami sente katak ami hetan diskriminasaun bo’ot husi ME, nune’e ami mai fo hatene ita nia nai ulun Kreda nian, tanba ami hatene katak asuntu Professores kontratadu nian, tanba ida ne’e problema politika nian nune’e ami husu Santa-Se atu reza ba ami no fo apoiu moral mai ami, atu ko’alia PM, tanba Santa-Se hanoin ami la koopera atu halo asaun oioin no halo boikota ba Amu papa nia Vizita maibé la’e. Asaun sira ne’ebé ami halo ne’e ba direitus humanus nomos ba sidadaun inklui povu TL nian.”
Jornalista : Chay Risky
Editór : Ilima’a