Loluwari Média (Díli) – Banin Feto Agustinha Francisca, hatete, horseik matebian loron tomak iha uma de’it, loraik mais ou menus tuku 6 liu minutu 50, matebian sai husi uma atu ba hola Sigaru iha kios Deroana. Ema deskuñesidu hasai Jeroni nia vida iha dalan to’o kakorok kotu no mate fatin.
“Derepente ema telefone nia ferik oan, halai sai husi uma la to’o minutu 15 to’o ona iha kios Deroana ema hotu dehan, maun ne’e monu ho motor ami halai sai ba iha fatin akontesimentu ran fakar barak no ran turuk ba ai-horis, ai-tahan no motor ran hotu de’it. Ema hotu dehan monu ho motor, tanba babain nia ho motor udan bo’ot to’o iha ne’ebé mos nia nunka monu maibé nusa mak ohin nia bele monu hodi ran fakar barak kasian.” Dehan matebian nia Banin feto, Agustinha Francisca, ba jornalista sira iha sala mortuariu hospital Nasional Guido Valadares (HNGV), Bidau, Dili, sabadu (03/08).
Agustinha esplika, bainhira sira halai atu ba haree matebian, maibé nia bin mak ba uluk hodi telefone fila-fali mai nia banin katak matebian iis laiha ona no familia sira to’o hotu iha fatin akontesimentu atu haree, maibé komunidade sira dehan hein polisia to’o mai lai tanba sira mos seidauk hatene los nia kronolojia loloos.
“Ami admira ho asidente ida ne’e maibé to’o ikus polisia eskuadra Venilale to’o kedas iha fatin akontesimentu foti fila matebian nia kakorok ema ta’a kotu kedas. Ema ne’ebé tula liman mai ha’u nia mane foun ou oho ne’e ami la haree no la hetan ami tenta husu komunidade sira ne’ebé nia uma besik ne’e mos sira la hatene hotu.”
Matebian nia motor kondisaun diak hela maibé matebian nia ran ne’e mak pinta hela ba motor ai-leten, ai-horis, ai-hun, Aa-gal no tohu sira ne’e mesak ran nafurin de’it, no polisia eskuadra Venilale sukat ran turuk to’o metru 5 ne’e polisia Eskuadra Venilale dada fita ba fatin akontesimentu ne’e. nia informa.
“Ita nia matebian monu husi motor, ne’e monu do’ok nia ain sorin mak sinelus sei metin no nia sinelus sorin belit ho motor, ita nia matebian iha oan na’in 4 kompostu husi na’in 2 tuur iha eskola primaria na’in ida foin tinan 2 no ida ikus foin loron 6 matebian nia oan primeiru feto ho naran Zelsia, segundu naran Jenezia no ida Soloita, ikun mak tau nia aman nia naran Jeroni tanba mane ikun molok nia apa husik hela sira na’in 4 ho nia inan faluk Sonia Maria da Costa.”
Matebian hola ha’u nia bin nia oan maibé ha’u nia bin matebian ona, nune’e nia hela hamutuk ho ha’u hanesan ha’u nia oan tanba matebian durante ne’e hanesan Motorista Bus Admirável husi Baucau-Dili BM, maibé momentu ne’e bus Madre sira aluga, nune’e nia alin mak lori ba munisípiu Viqueque durante loron rua.
Jornalista : Chay Risky
Editór : Ilima’a