Loluwari Média (Díli) – Amu Papa Francisco, husu ba Jovens sira imi halo saida? No buat seluk saida mak imi halo, joven ida tenke hatene saida mak ita tenke mehi ba futuru labele hemu alkohol tamba alkohol sei la folin ba imi nia an.
“Ha’u agradese ba jovens Timor oan hotu ne’ebé kria paz iha imi nia rai ida ne’ebé nakonu ho paz, ha’u sei nunka haluha imi nia servisu no imi nia grasa, imi labele para ho imi nia alegria (Senyum).” Dehan Amu Papa, Francisco, ba joven sira iha, CCD, Dili, kuarta (11/09).
Papa Francisco, hatete, joven timoroan mak ksolok no esperansa ba rai ida ne’e no labele lakon fiar.
“Imi mak nakonu ho ksolok no esperansa ba rai ida ne’e nian, imi labele lakon antusiazmu fiar nian bainhira joven ne’ebé fiar laiha oin hanesan kuda.
“Imi hatene saida mak halo ema oin triste, ne’ebé ha’u husu ba imi jovens sira tenke kuidadu aan, tanba ema ne’ebe faan droga ba imi ne’e hanesan felisidade la dura no laiha ona, ha’u desezu ba imi hotu ba oin nafatin kontetente no alegria imi foinsa’e sira nian.”
Lider igreja katoliku ne’e husu jovens sira labele haluha tanba imi mak liman rohan husi sira ne’ebé hari’i nasaun ida ne’e, tanba ne’e labele lakon memoria ba sira ne’ebé uluk sakrifísiu ona hari’i no konsolida ba rai ida ne’e.
“Iha buat rua ne’ebé toka iha ha’u nia fuan bainhira ha’u lao husi dalan Dili laran ne’e mak imi juventude sira no labarik sira, tanba imi povu ida ne’ebé hatene kontente (senyum) ha’u hakarak imi kontinua alegria hanesan ne’e, joven ida tenke hatene saida mak ita tenke mehi ba futuru labele hemu alkohol tanba alkohol sei la folin ba imi nia an.”
Jovens tenke hatene halo barullu iha buat tolu ne’ebé iha imi nia vida moris, jovens sira tenke hatene moris labarik nian no ema bo’ot nian, imi hatene saida mak rikusoin furak liu iha sosiadade nia laran mak katuas ho ferik sira.
“Moris iha rohan ida mak labarik sira no rohan ida iha katuas ferik sira tanba katuas ho ferik sira mak fo sabedoria ba ita bo’ot sira, tanba ne’e imi respeitu katuas ferik sira tanba katuas no ferik sira la’os ona fatin maibé ne’e historia ba foinsa’e sira.”
Iha sosiadade nia osan mean mak labarik sira no katuas sira tanba ne’e tenke kuda labarik no ferik katuas sira tanba katuas no ferik sira mak memoria sosiadade nian, tanba ne’e tenke respeita no taumatan ba sira. Papa Francisco subliña.
Reprezenta Joven, Agostinho Mendonça da Conçeição, hatete, dioseze organiza formasaun espiritual ba jerasaun Apostolika santo padre nian.
“Formasaun ba foinsa’e Katólika hotu iha dioseze hotu-hotu maske nune’e ita nia foinsa’e fasil liu hatudu hahalok violent. Tama hola parte iha grupu artemarsiais no arte rituais nune’e ha’u husu Santo Padre oinsa ami bele sente no hamoris fila-fali kristu siviku iha ami nia moris lor-loron no oinsa ami jovens timor oan sira fo liman ba malu no solidariedade ba malu.”
Reprezenta joven feto, Ercia da Costa Freitas, duvida, tanba saida mak ida ne’ebé besik sai do’ok no ida ne’ebé do’ok sai besik komunikasaun entre familia terus tebes.
“Ami husu ba santo padre saida mak ami bele halo, atu ami bele hamoris fila-fali sentru formasaun fiel nian iha ami nia familia atu nune’e ami bele moris iha dame nia laran.”
Jornalista : Chay Risky
Editór : Ilima’a