Loluwari Média (Díli) – Komandu Munisípiu Díli (KMD), Superintendente Xefe Polisia, Orlando Gomes, informa, Insidente ahi-han mutuk Bus Naza Made ho labarik mane ida ho idade tinan 4 iha merkadu Taibessi.
“Hafoin ahi-han mutuk Bus ho ita nia ema ne’e, ita kontaktu imediata ba Departementu Investigasaun Kriminal (DIK), Munisípiu Díli, no mos ho ita nia Autoridade seguransa eskuadra Na’in Feto ba kedas iha fatin akontesimentu hodi asegura fatin hafoin Forensik mos to’o kedas iha fatin hodi halo atendimentu ba insidente refere.” Dehan Komandu Munisípiu Díli (KMD), Superintendente Xefe Polisia, Orlando Gomes, ba jornalista sira, iha KMD, segunda (05/08).
Gomes esplika, Bus Naza Made ne’ebé hetan insidente ahi-han mutuk iha merkadu Taibissi, nu’udar transporte publiku, diresaun Viqueque-Dili ba-mai (BM) ho sidadaun Timor oan ida ho idade tinan haat ne’ebé lakon vida iha insidente ne’e.
“Agora daudaun kazu ne’e ita halo ona prosesu, hafoin ita entrega ba Ministeriu Publiku (MP), tanba MP mak na’in ba kazu ne’e no evidensia sira agora ita asegura ona hodi submete ba prosesu.”
“Mate isin agora, Forensik sei halo atendimentu hafoin entrega hikas mate isin ne’e ba nia familia hodi halot tu’ir lisan no Kultura Munisípiu Manatuto nian, iha nia deskansa ikus.”
“Ita sei halo investigasaun kle’an ba Motorista Bus refere tanba saida mak insidente ne’e akontese, tanba keta iha fallansu ruma iha Bus refere nune’e ita hotu hein prosesu Investigasaun hotu mak ita foin hatene nia motivu loloos ba insidente ne’e.”
Jornalista : Chay Risky
Editór : Ilima’a
