Loluwari Média (Díli) – Diretór Geral Servisu Corporativu Ministeriu Juventude Desportu Arte no Kultura (MJDAK), Isabel Adalziza Fereira, hatete, Ministeriu Juventude Desportu Arte no Kultura abertura ba dizeminsaun ba lei sira bainhira halo planu asaun nasionál ba 2025.
“Objetivu ohin loron ita atu partisipa didiak lei dezimina sira ne’e atu nune’e ita bele kuñese didiak bainhira ita hala’o ita halo implementasaun programa karik labele ses husi prosedimentu legais sira hotu.” Dehan Diretór Geral Servisu Corporativu Ministeriu Juventude Desportu Arte no Kultura (MJDAK), Isabel Adalziza Fereira, ba jornalista sira, iha Salaun Xanana Sport Senter (FFTL) Dili, Tersa (18/02).
Nia husu Funsionariu MJDAK atu partisipa maximu formasaun hodi sai bukae ida nune’e implementa iha ministériu.
“Ita nia workshop ohin loron atu bele kapasita ita nia kuñesimentu liliu ba dezaminasaun lei, tanba dala-ruma ita komete hela kazu balu maibé ita la hatene.”
Adjuntu Komisáriu Comisaun Anti Corupsaun (CAC), Rosario Salsinha Araujo, afirma, CAC halo formasaun regular ba Funsionariu MJDAK tanba CAC ho MDJAK parseiru diak.
“Formasaun regular ne’ebé ohin ami fo ba Funsionariu MJDAK sira bainhira asume responsabilidade ba estadu no governu liliu iha MJDAK Servisu barak mak iha risku maibé oinsa ita kapasita ba Funsionariu sira atu bele iha abilidade atu limite ba risku liliu risku ba korupsaun ne’e importante tebes.”
Formasaun ohin ne’e nakloke ba Funsionariu MJDAK atu ko’alia kona-ba korupsaun laiha ne’e mak CAC koko atu halo diskusaun ho sira no mos aproxima ho lei MPC.
“Lei MPC ezije Funsionariu estadu sira atu bele komprende lei ne’e ho didiak atu bele hakruk ba lei, oinsa ita hotu kombate korupsaun iha ita nia rai.”
Funsinariu lubuk ida mak selu tiha koima hodi multa tanba sira menus iha informasaun tanba notifikasaun mai tiha ona maibé sira dalaruma ativu hela sira nia servisu iha rai laran no mos iha rai liur. Tanba sira la konsege deklara kona-ba koima tanba ne’e mak formasaun atu esplika didi’ak saida mak CAC nia servisu.
Inspetór Gabinete Inspesaun Auditoria, João dos Santos, hatete, formasaun ne’e foka liu kona-ba regulamentu no administrativu ho objetivu ba kargu ba diresaun no xefia sira iha interna MJDAK atu sira bele komprende dekretu lei ezeksuaun orsamentu estadu 2025.
“Tinan ne’e implementa dekretu lei ida kona-ba subsidiu ba subvensaun publika ba parseiru sira, tanba ne’e ami aumenta nafatin dezimina lei MPC Anti Corupsaun nian atu inter MJDAK bele komprende lei sira.”
Totál partisipante formasaun hamutuk atus ida resin kompostu husi Funsinariu MJDAK liliu kargu xefia Diretór Geral, Diretór Nasionál, xefe departementu no xefe seksaun sei partisipa formasaun durante loron tolu.
Jornalista : Chay Risky